Qərb dünyasında biz tez-tez 13-cü Cümə günü gələndə insanların pis şeylər haqqında danışdıqlarını eşidirik. Ancaq İtaliyada əsl qorxulu rəqəm 17 olduğu üçün 13-cü gün heç kimi narahat etmir.

Bizimyol.info "webtekno"ya istinadən xəbər verir ki, İtalyan mədəniyyətində 13 rəqəmi uğurlar gətirir; 17 rəqəmi şanssızlıq hesab edilir. Xüsusilə 17-si Cümə günü olanda bir çox italyanlar bu günü “un giorno nero”, yəni “qara gün” adlandırırlar.

Bəs niyə 17 rəqəmi bu qədər "uğursuz" sayılır?

Bəziləri bu inancın Qədim Roma dövründən başladığını düşünür

Roma rəqəmləri ilə XVII kimi yazılan 17 rəqəmi anaqrammatik olaraq VIXI-yə çevrilə bilər. VIXI latınca “yaşamışam” deməkdir ki, bu da “Həyatım bitdi” kimi başa düşülə bilər. Beləliklə, italyanlar üçün 17 rəqəmi ölümlə əlaqələndirilir.

Həmçinin İncilin Əhdi-Ətiq hissəsində böyük daşqının ikinci ayın 17-də baş verdiyi deyilir. Bu, 17 rəqəminin şanssız sayılmasının başqa bir səbəbi ola bilər.

Cümə günü uğursuz sayılır, çünki "Venerdi Santo" (Yaxşı Cümə) İsanın çarmıxa çəkildiyi gündür.

Uğursuz sayı 17 ilə birlikdə 17-ci cümə italyanlar üçün ən uğursuz gün hesab olunur.

Noyabrın 17-si cümə gününə təsadüf etdikdə, İtaliyada "ayın ən uğursuz günü" hesab olunur. Çünki 2 noyabr İtaliyada Ölülər Günü kimi qeyd olunur və 1 Noyabr Bütün Müqəddəslər Gününə təsadüf edir.

Bir çox italyan 17-ci cümə günü evdə qalmağa üstünlük verir

İşə getmirlər, vacib görüşlər keçirmirlər, evlənmirlər, böyük qərarlar qəbul etmirlər. Bunun əvəzinə özləri ilə bəxtiyar talismanlar aparırlar. Bu talismanlara qırmızı buynuz boyunbağı, at nalı və ya donqarlı qoca fiquru daxildir.

Xurafat hətta iş dünyasına da təsir edib. İtaliyanın "Alitalia" aviaşirkətinin təyyarələrində 17-ci yer yoxdur. "Renault R17" modelini İtaliyada "R177" olaraq satıb. Cesana Pariol toboq qaçışında 17-ci növbə "Senza Nome" adlanır (adsız).

Qadir, Bizimyol.info