Çox vaxt gecələr çaşqınlıq, tərləmə və əsəbi halda oyanırıq və həmin an saata baxanda gecə saat 3 olduğunu görürük. Bu səbəbdən gecə səhərə yaxın saat 3-ə “Cadu saatı”, “Şeytan Saatı” kimi adlar verilib.

Bizimyol.info Türkiyə mətbuatına istinadla xəbər verir ki, bu xurafatların elmi izahı var. Saat 3-dür, çarpayınızda uzanıb tavana baxırsınız. Nədənsə, sakit yuxunuzdan saat 3-də oyandınız. Qorxudan tərləyirsiniz və sidik kisəsinə təzyiq edilir. Sonra düşünürsən ki, bu, ilk dəfə deyil ki, bunu yaşayırsan. Niyə gecə səhərə yaxın saat 3-də oyandın? Baxdığın qorxu filmlərindən biri olduğunu düşünürsən və öz-özünə "axmaqlıq etmə" deyib ayağını yerə qoyursan. Tez ayağa qalxırsan, işığa qaçırsan və dincəlirsən.

Doğrudan da, niyə gecə səhərə yaxın saat 3-də oyanırıq?

Xristian inanclı insanların çoxəsrlik şayiələrindən biri budur ki, gecə səhərə yaxın saat 3-də cinlərin ən aktiv olduğu vaxtdır. Gecə səhərə yaxın saat 3-dən günəş çıxana qədər pis hadisələr baş verir. Müsəlman inancında deyilir ki, bu dövrlər cinlərin biz insanlar ölçüsündə ən aktiv olduğu dövrlərdir.

Gecə səhərə yaxın saat 3 qorxu filmlərində önəmli məsələdir. Bu saat, birçox qorxu filmində də görünür. Əslində, yadınızdadırsa, “Dəhşət seansı” filmində saat düz gecə səhərə yaxın saat 3-də dayanır və hər şey fırlanmağa başlayırdı. Eynilə, Emili Rouzun “Şeytan çıxarması” filmində Emili hər gün gecə səhərə yaxın saat 3 radələrində qəribə bir qoxuya oyanardı.

Biz səmavi inanclarda və kult ayinlərində saat 3-ün izahatlarını oxuyuruq. Bunların gerçək olduğunu düşünmənizi istəmirik.

Məsələnin elmi izahı fərqlidir. Gecə səhərə yaxın saat 3-də oyanırsınız, bu zaman dərin yuxudan normal yuxuya keçirsiniz. Mütəxəssislərin fikrincə, normal bir insan gecə təxminən altı dəfə oyanır. Bu oyanışlar o qədər qısadır ki, biz onları heç xatırlamırıq. Ancaq dərin yuxu prosesini bitirdikdən sonra (yuxuya getdikdən 4-4.30 saat sonra) oyandığınız zaman yenidən yuxuya getmək çətin olur.

Penn Yuxu Mərkəzinin "Davranış Yuxu Müalicəsi Proqramı"na rəhbərlik edən həkim James C. Findlenin fikrincə, 22.30-23.00 radələrində yuxuya getsəniz, gecə səhərə yaxın saat 3-də dərin yuxunu bitirmiş və yüngül yuxu dövrünə keçəcəksiniz. Beyniniz bu prosesdə daha aktiv olduğu üçün oyandığınız zaman yenidən yuxuya gedə bilməzsiniz. Sent-Luis Tibb Universitetinin pulmonoloqu Şalini Paruzi deyir ki, yuxusuzluğun əsas səbəblərindən biri yataqda çox vaxt keçirməkdir.

Məsələn, əgər vücudunuzun 6 saat yuxuya ehtiyacı varsa və siz axşam 21:30-da yatırsınızsa, 6 saat sonra (yəni gecə səhərə yaxın saat 3-də) oyandığınız zaman bunun yeganə səbəbi yuxunuz olub. Müəyyən bir zamana qədər belə bir problem yaşamamısınızsa və artıq orta yaşdasınızsa, pis xəbərimiz var. Bu zaman oyanmağınızın səbəbi menopoz və ya andropozdur. Gecələr çox tərləyirsən və oyanırsan. Bunun səbəbi bədən istiliyinə nəzarət edən hipotalamus bölgəsinin estrogen səviyyələrində dalğalanmalarla nə edəcəyini bilməməsidir.

İlahin, Bizimyol.info