ABŞ-ın səhiyyə sistemi tez-tez tənqid obyektinə çevrilir. Son hadisə ölkədəki xəstəxanaların beyin ölümünü müəyyən etmək və orqan toplamaq üçün istifadə etdiyi prosedurları sual altına qoyur. Çünki ABŞ Konqresində qorxu filmlərindənki kimi bir hadisənin baş verdiyi məlum olub.

Bizimyol.info "webtekno"ya istinadən xəbər verir ki, keçən ay ABŞ Konqresinin Nümayəndələr Palatasının Resurslar və Ticarət Komitəsi orqanların necə yığılması və daşınması ilə bağlı suallarına cavab verən məktub dərc etdi. Məktubda 2021-ci ildə Kentukki ştatında baş verən hadisə açıqlanıb.

Ürəyi çıxarılan insan əməliyyat zamanı ayılıb

36 yaşlı II Thomas Hoover adlı Amerika vətəndaşı 2021-ci ilin oktyabrında xəstəxanaya yerləşdirilib və daha sonra beyin ölümü olduğu və vəsiyyətinə uyğun olaraq orqan transplantasiyası üçün əməliyyat olunub. Huver əməliyyata gedərkən bacısı Donna Rhorer qardaşının gözlərinin açıq olduğunu və ətrafa baxdığını deyərək etiraz edib, lakin həkimlər bunun adi bir refleks olduğunu bildiriblər.

Huver oyanıb və ürəyi çıxarılmadan əvvəl damarlarda tıxanma olub-olmadığını müəyyən etmək üçün edilən ürək kateterizasiyası zamanı əməliyyat masasında qıvrılmağa başlayıb. Xəstə aydın şəkildə hərəkət etməyə başlayanda və "görünən şəkildə ağladıqda" prosedur dayandırılıb və çıxarılan orqanlar dəyişdirilib.

Bildirilib ki, xəstəxananın həkimləri hadisə ilə bağlı məsuliyyət daşımaq istəməyiblər və əməliyyatdan imtina ediblər. Huver bu hadisəyə baxmayaraq sağ qalmağı bacarsa da, onda nitq, yaddaş və hərəkət problemləri yaranıb. Bu hadisədən sonra ölüm qərarı və orqan nəqli prosedurları ilə bağlı müzakirələrin böyüyəcəyi gözlənilir.

Qadir, Bizimyol.info