Gün ərzində səhər qəhvənizdən səhər yeməyinizlə birlikdə içdiyiniz çaya və ya görüşlər arasında bir fincan türk qəhvəsinə qədər orta miqdarda kofein qəbul etmək, demensiyaya keçmə riskini azaldır. Yeni bir araşdırma kofein istehlakı ilə Alzheimer xəstəliyini göstərən onurğa mayesinin markerləri arasında əlaqəni təsdiqləyir.

Bizimyol.info "trthaber"ə istinadən xəbər verir ki, Fransada bir qrup 2010-2015-ci illər arasında yüngül koqnitiv pozğunluq və ya Alzheimer diaqnozu qoyulmuş xəstələr haqqında məlumatları araşdırıb.

Bu araşdırmaya qatılan 70 yaşdan yuxarı 263 nəfərin kliniki qiymətləndirmələri aparılıb və qəhvə, şokolad, çay və qazlı içkilər kimi kofein tərkibli qidaların istehlak miqdarı araşdırılıb. Könüllülər həmçinin MRT müayinəsindən keçib, qan və onurğa beyni mayesi (CSF) nümunələri təqdim ediblər.

Gündə orta hesabla 200 milliqramdan bir qədər çox kofein qəbul edənlər “az” kofein qrupuna, daha çox kofein qəbul edənlər isə “yüksək” kofein qrupuna daxil edilib. Məlumatlar göstərdi ki, daha az kofein istehlakı yaddaş problemləri ilə bağlı yüngül koqnitiv geriləmə riskini artırıb. Aşağı kofeinli qrupda olanlarda Alzheimer və ya yüngül idrak pozğunluğu diaqnozu qoyulma riski təxminən 2,5 dəfə artıq olub.

CSF-də zülal analizləri, aşağı kofein istehlakçılarında müəyyən növ beta-amiloid zülallarında əhəmiyyətli fərqlər tapılıb. Aşağı kofein istehlak edənlərin beyində Alzheimer simptomları ilə əlaqəli beta-amiloid zülallarının daha çox yığılması müşahidə edilib.

Bu araşdırma kofein istehlakının Alzheimer əlamətlərinə təsirini tam anlamaq üçün kifayət deyil. Ancaq kofeinin ümumi sağlamlığa müsbət təsirini dəstəkləyən artan tədqiqatlarla birlikdə nəzərə alındıqda, səhər qəhvənizin və ya günorta şokoladlı qəlyanaltınızın bədəninizi uzun illər sağlam saxlamaqda rol oynaya biləcəyi düşünülür. Bu araşdırma "Alzheimer's & Dementia" jurnalında dərc olunub.

Qadir, Bizimyol.info