Market və mağazalardakı bankalar, butulkalar və qablarda bəzi nömrələr var. Bu rəqəmlərin hər birinin təmsil etdiyi bir məna var. Üstəlik, şüurlu istehlakçı olmaq istəyiriksə, hansı nömrəni aldığımıza diqqət etməliyik. Bəs onlar nə demək istəyirlər?

Bizimyol.info "webtekno"ya istinadən xəbər verir ki, içdiyiniz su şüşəsinin və ya açdığınız bankanın dibində bəzi formalar və rəqəmlər olduğunu fərq etmiş ola bilərsiniz.

Adətən üçbucağın içərisində olan bu rəqəmlərin nə demək olduğunu heç soruşmusunuzmu?

Bəzi insanlar bunun həmin şüşənin neçə dəfə istifadə olunacağını göstərdiyini düşünsə də, bu, düzgün məlumat deyil. Düzdür, üçbucaq təkrar emal haqqında nəsə bildirir. Gəlin onun konkret nədən xəbər verdiyinə baxaq.

Şüşənin istehsal edildiyi plastik növünü göstərir

“Qatran İdentifikasiya Kodu” adlanan bu nömrələr plastikin növünü bildirir.

Məsələn, 1 nömrəsi ən çox yayılmışdır, çünki PET  (polietilen tereftalat) materialına aiddir. Yəni pet şüşə dediyimiz su qablarının demək olar ki, hamısı 1 nömrəyə aiddir.

Üçbucağın içərisindəki 2 rəqəmi HDPE (yüksək sıxlıqlı polietilen) plastikini təmsil edir. Daha ağır əşyaları daşımaq qabiliyyətinə malikdir. Bunu adətən yuyucu və ya şampun qutularında görə bilərsiniz. PET-dən fərqli olaraq, onu bir şeylə doldurub yenidən istifadə etmək olar.

Gəlin başqa nömrələrlə davam edək

3 rəqəmi V (polivinilxlorid) kimyəvi maddəsini təmsil edir. 3 gördüyünüz yerləri xatırlaya bilirsinizmi? Məsələn, fast food qablarında olur. Hətta avtomobil oturacaqlarında və məişət yağ qablarında da rastınıza çıxa bilər.

4 rəqəmi LDPE-yə (aşağı sıxlıqlı polietilen) uyğun gəlir. Bazardakı plastik torbalar ən çox yayılmış nümunələrdən biridir. Bir çoxumuz ondan tez-tez istifadə etsək də, bir çox təkrar emalı şirkətləri bu tip plastikləri qəbul etmirlər. Beləliklə, davamlılıq üçün bir az reklam fasiləsi verək: Bazara və ya dükana gedərkən öz parça çantalarınızı gətirməyiniz yaxşı fikirdir.

5 rəqəmi PP kimi qısaldılmış propilen plastiki təmsil edir. Buna qatıq qabları, sous butulkaları və qida butulkalarında rast gələ bilərsiniz. İstifadə sahələrindən də göründüyü kimi təhlükəsiz plastiklər arasındadır.

PS (polistirol) 6 rəqəminə uyğundur. Daha çox plastik toplarda, doldurma materiallarında və istilik izolyasiyasında istifadə olunur. Təəssüf ki, təkrar emal edilə bilən bir material deyil.

Gələk son sayımıza - 7 bütün digər plastik materialları əhatə edir. Başqa sözlə, onun tərkibində bayaq qeyd etdiyimizdən tamamilə fərqli plastik və ya bir neçə plastikin qarışığı ola bilər. Ümumiyyətlə təkrar emal edilmir. Deyə bilərik ki, həm sağlamlıq, həm də ətraf mühit üçün ən zərərli plastik növüdür və ondan uzaq durmaq lazımdır.

Qadir, Bizimyol.info