Alimlər insan beyni tərəfindən idarə olunan robotu uğurla inkişaf etdirdiklərini açıqlayıblar. Bu əsaslı layihə insan beyninin funksiyalarını təqlid edən çipdən istifadə edərək robotu idarə etməyi mümkün edib və dünyada bir ilk olub.

Bizimyol.info "trthaber"ə istinadən xəbər verir ki, Çində baş tutan bu innovativ layihə beyin-kompüter interfeysləri (BCI) və süni intellekt (AI) texnologiyalarının birləşməsi ilə hazırlanıb.

Layihədə laboratoriyada yetişdirilən insan beyni hüceyrələri xüsusi hazırlanmış çipdə yetişdirilib və bu hüceyrələrə robotun hərəkətlərini idarə etmək üçün öyrədilib.

Tədqiqat qrupunun rəhbəri doktor Con Smit bu texnologiyanın təkcə robototexnika sahəsində deyil, nevroloji xəstəliklərin müalicəsində də inqilab edə biləcəyini bildirib. Smit: "Bu texnologiyadan istifadə edərək, iflic olan xəstələrin hərəkətliliyini bərpa etməyə kömək etməyi hədəfləyirik", - deyə qeyd edib.

Layihə tibb və texnologiya dünyasında böyük həyəcan yaradıb. Mütəxəssislər bildirirlər ki, bu texnologiya gələcəkdə insan-maşın qarşılıqlı əlaqəsində yeni era başlaya və insan beyninin sərhədlərini daha da genişləndirə bilər. Bu inkişaf insan beyninin fövqəladə tutumunu və texnologiya ilə birləşdikdə nələrə qadir ola biləcəyini bir daha ortaya qoyur. Bu texnologiyanın gələcək illərdə necə inkişaf edəcəyi və hansı yeni tətbiqləri açacağı maraqla gözlənilir.

Qadir, Bizimyol.info