Avropa İttifaqına üzv ölkələrin əksəriyyətinin üçüncü ölkələrdə miqrant qəbul mərkəzlərinin yaradılması ideyasını dəstəkləməsi Fransanı hazırlıqsız yaxalayıb.

Bizimyol.info xəbər verir ki, bu barədə Avropanın “Politico” nəşri məlumat yayıb.

Fransa prezidenti Emmanuel Makron təşəbbüsü kəskin tənqid edib. Daha əvvəl Aİ-yə üzv 27 dövlətdən 19-u bu ideyanı birgə məktubla dəstəkləmişdi. Diplomatlardan birinin sözlərinə görə, “Əgər məktub yalnız İtaliyanın baş naziri Gorgia Meloni və Danimarkanın baş naziri Mette Frederiksen tərəfindən təqdim olunsaydı, bu qədər rezonans doğurmazdı. Lakin sənədi 19 dövlətin imzalaması onu böyük hadisəyə çevirdi”.

Makron xüsusilə belə mərkəzlərin praktik effektivliyi ilə bağlı şübhələrini ifadə edib.

Nəşr qeyd edir ki, yeni fikir ayrılığı Aİ-də ən həssas iki mövzunu — miqrasiya məsələsini və Birliyin uzunmüddətli büdcəsini — bir araya gətirib. 19 ölkənin məktubunda Aİ-dən bu cür mərkəzlərin yaradılması təşəbbüslərinə maliyyə dəstəyi ayrılması istənilib. Nəşrin yazdığına görə, Makronun bu təşəbbüsü dəstəkləməsi isə az ehtimal olunur.

Bizimyol.info