Məlum olub ki, buzlaqların sürətlə əriməsi səbəbindən artan temperaturlar Yerin fırlanma sürətinə də təsir edir. Günlər uzanır və mütəxəssislər internetdə problemlər ola biləcəyi barədə xəbərdarlıq edirlər.

Bizimyol.info Türkiyə mətbuatına istinadən xəbər verir ki, alimlərin yeni araşdırması iqlim dəyişikliyinin Yerin fırlanma sürətinə də təsir etdiyini ortaya çıxarıb.

ABŞ, İsveçrə və Kanadadan olan tədqiqatçılar buz təbəqələrinin əriməsi ilə artan temperaturun planetin fırlanma sürətinə təsirini araşdırıblar. Milli Elmlər Akademiyasının jurnalında dərc olunan araşdırma çərçivəsində 1900-cü ildən bəri Qrenlandiya və Antarktidada buzlaqların əriməsi ilə bağlı məlumatlar araşdırılıb.

Tədqiqat müəyyən etdi ki, buz təbəqələri əridikcə ekvator ətrafındakı suyun kütləsi artır və bu da Yerin daha "düzləşmiş və ya kökəlməsinə" səbəb olur və onun fırlanma sürətini yavaşlatır.

Bu vəziyyətin günlərin uzanmasına səbəb olduğu qeyd edilib. 1900-2000-ci illər arasında Yerin fırlanma sürəti əsrdə 0,3-1 millisaniyə azaldığı halda, 2000-ci ildən sonra bu sürət 1,3 millisaniyəyə yüksəlmişdir.

Tədqiqatçılar önümüzdəki illərdə bu yavaşlama sürətinin 1 millisaniyə civarında olacağını və istixana qazı emissiyaları azalmasa, 2100-cü ilə qədər 2,6 millisaniyəyə qədər arta biləcəyini və günün uzunluğuna təsir edə biləcəyini qeyd ediblər. Bu dəyişikliyin internet trafikinə, maliyyə əməliyyatlarına və GPS sistemlərinə təsir göstərə biləcəyi də bildirilib.

Zamanın ölçülməsinin son dərəcə dəqiq atom saatları ilə edildiyi və bir günün dəqiq müddətinin ayın gelgitləri və iqlim təsirləri kimi faktorlara görə dəyişə biləcəyi vurğulanıb.

Qadir, Bizimyol.info