Kipr adasında müzakirə masasına dönüşün yolu Şimali Kipr Türk Respublikasının suverenliyindən keçir.
APA-nın verdiyi xəbərə görə, bu barədə Türkiyə Prezidenti Rəcəb Tayyib Ərdoğan Şimali Kipr Türk Respublikası Prezidenti Ersin Tatarla birgə mətbuat konfransı zamanı bildirib.
O qeyd edib ki, Türkiyə Kipr məsələsində hər zaman dialoqun tərəfdarıdır: “Mənasız silahlanma tərəfdarı olanlar bu təşəbbüsün risklərini anlamalıdırlar. Şimali Kiprdəki türk qardaşlarımızın təhlükəsizliyini öz təhlükəsizliyimiz kimi qiymətləndiririk”.
