Kürdəmirdə ölümlə nəticələnən ağır yol qəzası baş verib.
Oxu.Az xəbər verir ki, hadisə Ağsu-İmişli-Kürdəmir yolunun 25-ci km-də rayonun Təklə kəndindən keçən hissəsində qeydə alınıb.
Belə ki, “Ford” markalı yüngül yük avtomobili ilə “VAZ 2107” markalı minik maşını toqquşub.
Nəticədə “Vaz 2107”nin sürücüsü, Kürdəmir rayon Qarasaqqal kənd sakini Rəsulov Lazım Mövlam oğlu hadisə yerində dünyasını dəyişib.
“Ford”un sürücüsü, 25 yaşlı Qədirov Niyaməddin Rəfael oğlu və sərnişin 46 yaşlı İmanov Əfqan Ədalət oğlu isə xəsarət alıblar.
Hər iki yaralı Kürdəmir RMX-na yerləşdirilib.
Fakt araşdırılır.
