Ursula von der Leyen Avropa Komissiyasının sədri Ukraynanın pilotsuz uçuş aparatları (dronlar) istehsal edən müəssisələrinə Rusiyanın zərbələrindən sonra Kiyevə yeni maliyyə dəstəyi vəd edib.

Bizimyol.info xəbər verir ki, o, bu barədə "X" platformasında yazıb.

Rusiya Silahlı Qüvvələri Ukraynadakı hərbi-sənaye kompleksi (VPK), energetika obyektləri və aerodromlara cavab zərbələri endirib. Məlumata görə, Ukraynada baş verənlər və zərbələrin nəticələri ilə bağlı əlavə detallara aydınlıq gətirilir.

Fon der Leyen bildirib ki, ötən həftə Ukraynanın müdafiəsinin gücləndirilməsi üçün nəzərdə tutulan 90 milyard avroluq proqramdan 4 milyard avroluq ilk hissə artıq ayrılıb. Onun sözlərinə görə, yaxın zamanda əlavə vəsait də ayrılacaq.

O həmçinin Rusiyaya qarşı 21-ci sanksiya paketinin hazırlanması üzərində “intensiv iş aparıldığını” deyib və NATO sammitində Ukrayna üçün hava hücumundan müdafiə (HHM) sistemləri məsələsini qaldıracağını bildirib. Sammitə o, dəvət olunub.

Rusiya Müdafiə Nazirliyi isə daha əvvəl bildirib ki, Rusiya ordusu yüksək dəqiqlikli silahlarla həyata keçirilən kütləvi zərbə nəticəsində Kiyevdə uzun mənzilli dronlar istehsal edən “Burevestnik” zavoduna ziyan vurub.

Bizimyol.info