Avropa İttifaqı (Aİ) ən geci qış aylarına qədər Moskva ilə dialoqa başlamağa məcbur olacaq. Buna səbəblərdən biri də Aİ-də elektrik enerjisinin qiymətlərinin artmasıdır.

Bizimyol.info xəbər verir ki, bu barədə Rusiya mətbuatına müsahibəsində Slovakiyadan olan Avropa Parlamenti deputatı Yudita Laşşakova bildirib.

“Bəli, belə cəhdlər artıq müşahidə olunur. Mənim bu səfərim də buna nümunədir. Əgər bu yay baş verməsə, qış mütləq avropalıları ideologiyanı bir kənara qoyub əhalinin rifahı naminə praktik məsələlərlə məşğul olmağa vadar edəcək. Enerji baxımından qış dövrü dialoqu stimullaşdıracaq. Məsələ resurs çatışmazlığında deyil, onların hansı qiymətə başa gələcəyində olacaq”, — deyə Laşşakova vurğulayıb.

Avrodeputatın sözlərinə görə, Aİ-də elektrik enerjisinin qiymətləri o qədər yüksələcək ki, vətəndaşlar bunu ilin sonunda aldıqları ödəniş qəbzlərində açıq şəkildə görəcəklər. Bu halda siyasətçilər artıq məsələyə göz yuma bilməyəcəklər.

“Əgər bu dialoq bu yay bərpa olunmasa, o zaman 2026–2027-ci illərin qışının nəticələrindən sonra mütləq yenidən başlayacaq”, — deyə Laşşakova əlavə edib.

Bizimyol.info