Yüksək qida dəyəri ilə seçilən fındıq kiçik, sərt qabıqlı meyvədir. Mülayim iqlim şəraitində yetişən fındıq doymamış yağlarla zəngindir və bu, onun yüksək yağ tərkibinə malik olduğunu göstərir. Vitaminlər, zülallar və amin turşuları ilə zəngin olan fındıq B2 vitamini, fol turşusu və lif mənbəyi kimi tanınır. Çiy halda istehlak edilən fındıq daha faydalı hesab olunur, çünki qovrulma prosesi zamanı onun yağ tərkibində təxminən 15% azalma müşahidə edilir.

Fındıq zülal, lif, fitokimyəvi maddələr və doymamış yağ turşuları ilə zəngindir. Eyni zamanda kalsium, selen və maqnezium kimi mühüm mikroelementləri də özündə ehtiva edir.

Fındıq omeqa-3 yağ turşuları və antioksidantlarla zəngin olduğu üçün orqanizmi oksidləşdirici stresdən qorumağa, qan təzyiqini tarazlaşdırmağa, iltihabın qarşısını almağa və xolesterin səviyyəsini aşağı salmağa kömək edir. Bu xüsusiyyətləri ilə ürək sağlamlığının qorunmasında da mühüm rol oynayır.

Fındıq bağırsaq hərəkətliliyini artırır, xolesterini və qan təzyiqini aşağı salmağa kömək edir, ürək sağlamlığını dəstəkləyir, iltihab proseslərinin qarşısını alır, həzmi yaxşılaşdırır, xərçəng riskini azalda bilər, sümük sağlamlığını gücləndirir, enerji verir, libidonu artırır, insulinə həssaslığı yaxşılaşdırır, sperma sayına müsbət təsir göstərə bilər və çəki idarəsinə kömək edir.

Antioksidant birləşmələrlə zəngin olan fındıq vitamin və mineralları sayəsində xərçəng riskinin azalmasına təsir göstərə bilər. E vitamini ilə zəngin olması hüceyrələri zədələyən oksidləşdirici təsirlərdən qoruyur.

Fındıqda olan qida lifi bağırsaqlarda faydalı bakteriyaların artmasına şərait yaradaraq mədə-bağırsaq sağlamlığının yaxşılaşmasında mühüm rol oynayır. Eyni zamanda qıcıqlanmış bağırsaq sindromunun azalmasına və qəbizliyin aradan qaldırılmasına kömək edir. Lif və polifenollar probiotik təsir göstərərək həzmi dəstəkləyir. Bu səbəbdən fındıq çəki idarəsində də faydalı ola bilər.

Fındığın müntəzəm istehlakı ürək xəstəlikləri riskinin azalmasına müsbət təsir göstərir. O, xolesterin səviyyəsini aşağı salır və infarkt riskini azalda bilər. Tərkibindəki olein turşusu ürək sağlamlığı üçün xüsusilə faydalıdır.

Fındıq C və E vitaminləri ilə sümük sağlamlığını dəstəkləyir. Maqnezium, kalsium, dəmir və kalium kimi minerallar osteoporoz riskini azaltmağa və sümük toxumasını gücləndirməyə kömək edir.

Fındıq doymamış yağ tərkibinə görə kosmetika sənayesində geniş istifadə olunur. Onun yağının müalicəvi xüsusiyyətləri dərinin qorunmasına və nəmlənməsinə xidmət edir. Fenolik birləşmələr dərinin qocalmasını ləngidir, günəş şüalarının zərərli təsirindən qoruyur və sızanaq kimi dəri problemlərində müsbət təsir göstərə bilər. Fındıq yağı dəri sağlamlığının yaxşılaşdırılmasında mühüm rol oynayır. O, həmçinin dərinin parlaqlığını artıran antioksidantlar və E vitamini ilə zəngindir.

E vitamini saçların qidalanmasına, böyüməsinə və inkişafına dəstək verir. Fındıqda olan sink və selen baş dərisinin sağlamlığını yaxşılaşdırır və saç tökülməsinin qarşısını almağa kömək edir.

Fındıq ümumilikdə faydalı qida hesab olunur, lakin bəzi hallarda zərərli təsirləri də ola bilər. Bəzi insanlarda tənəffüs problemlərinə səbəb olan anafilaksiya kimi allergik reaksiyalar yarada bilər. Belə hallarda peşəkar həkimə müraciət edilməsi tövsiyə olunur.

İradə Cəlil, Bizimyol.info