Ekspertlər Məclisi Əli Xameneinin oğlu Müctəba Xameneini İranın növbəti ali lideri seçib.

Bizimyol.info xəbər verir ki, bu barədə "Iran International" məlumat verib.

Müctəba Xameneinin təyin edilməsi qərarı ölkənin ali liderinin seçilməsi üçün konstitusiyaya uyğun olaraq məsul olan Ekspertlər Məclisi tərəfindən qəbul edilib.

Müxalifət media orqanlarının məlumatına görə, İslam İnqilabı Keşikçiləri Korpusu (İİKK) məclis üzvlərinə fəal şəkildə təzyiq göstərib. Təhlükəsizlik agentliyi Xameneinin ölümündən sonra siyasi qeyri-sabitliyin qarşısını almaq üçün tez bir zamanda varis seçməkdə israr edib.

Ali Lider Ayətullah Əli Xameneinin ikinci oğlu Müctəba 1969-cu ildə Məşhəddə anadan olub. O, atasının və digər nüfuzlu müəllimlərin rəhbərliyi altında ilahiyyat təhsili alıb və ruhani olub. O, Qumdakı seminariyada ilahiyyat dərsləri verib.

"Hindu Times" qəzetinin məlumatına görə, onun həyat yoldaşı Zəhra Həddad-Adeldən üç övladı var.

Nəşr 2005 və 2009-cu illərdə İranda keçirilən seçkilər zamanı Müctəbanın Mahmud Əhmədinejadın tərəfdarı olduğunu və guya 2009-cu ildə onun qələbəsində də iştirak etdiyini bildirib.

2009-cu ilin iyun ayında qələbəsindən sonra etirazlar başlayıb və Müctəbanın təzyiqlərə rəhbərlik etdiyi bildirilib.

İranın dövlət mediası 1 mart bazar günü səhər Ali Lider Əli Xameneinin ölümünü təsdiqləyib. Bu, ABŞ və İsrailin Xameneinin iqamətgahına hücumu nəticəsində baş verib. O, İrana 37 il rəhbərlik edib.

Daha əvvəl media orqanları keçid dövründə İrana prezident Məsud Pezeşkyanın, məhkəmə sisteminin rəhbəri Qulam Hüseyn Möhsəni-Ejeinin və Nəzarət Şurasının üzvünün rəhbərlik edəcəyini bildirib.

Qadir, Bizimyol.info