"Taxıl sazişi" məsələsində Ukraynanın Rusiya ilə birgə addımların atılması üçün mövqeyini yumşaltması lazımdır.
APA-nın verdiyi xəbərə görə, bu barədə Türkiyə Prezidenti Rəcəb Tayyib Ərdoğan Soçidə rusiyalı həmkarı Vladimir Putinlə görüşünün nəticələrinə dair mətbuat konfransı zamanı bildirib.
O qeyd edib ki, ən vacib məsələlərdən biri Ukrayna taxılının ixracatıdır, lakin Afrikanın yoxsul ölkələrinin payı daha çox olmalıdır.
Ərdoğanın sözlərinə görə, Türkiyə Rusiyadan gələcək taxıldan un istehsal edərək Afrika ölkələrinə göndərməyə hazırdır.
