Türkiyə prezidenti Rəcəb Tayyib Ərdoğan Rusiya lideri Vladimir Putinlə BMT-nin yeni şərtlərinə uyğun olaraq taxıl sazişinin davam etdirilməsini müzakirə etməyi planlaşdırır.
Bizimyol.info xəbər verir ki, bu barədə mətbuata Ankara siyasi dairələrdəki mənbə məlumat verib.
“Əlbəttə, Soçidə keçiriləcək danışıqların əsas mövzusu əvvəlki taxıl sazişinin davam etdirilməsi olacaq. Liderlər Türkiyənin iştirakı ilə BMT-də hazırlanan yeni təklifləri ətraflı müzakirə edəcəklər”, – deyə agentliyin həmsöhbəti bildirib.
Bazar günü “Sabah” qəzeti yazıb ki, BMT-nin yeni təkliflər paketində aktivləri Avropa tərəfindən bloklanan Rusiya qida istehsalçılarına qoyulan məhdudiyyətləri aradan qaldırmaq üçün danışıqlara başlamaq müddəası var. Bundan əlavə, BMT ammonyakın daşındığı “zədələnmiş boru kəmərlərinə dəyən ziyanın qiymətləndirilməsi üzrə işə başlamağı” təklif edir. "Rosselxozbank"ın yenidən "SWIFT" sisteminə qoşulması da dünya təşkilatının təklifləri sırasındadır.
Onlara həmçinin ərzaq daşıyan Rusiya gəmilərinin sığortası ilə bağlı problemlərin həlli üçün addımlar daxildir.
Bundan əvvəl BMT-nin baş katibi Antonio Quterreşin ofisinə məlumat verilib ki, o, Rusiya xarici işlər naziri Sergey Lavrova taxıl sazişinin bərpası təklifləri ilə məktub göndərib.
Putin və Ərdoğan arasında keçiriləcək danışıqlarda Qətərin iştirakı ilə Rusiya taxılının Türkiyə üzərindən Afrikaya çatdırılması variantı da müzakirə olunacaq.
“Prezidentlər Ərdoğan və Putinin gündəmində Qətərin maliyyə dəstəyi ilə Rusiyadan Türkiyə vasitəsilə Afrikadakı ehtiyacı olan ölkələrə taxıl tədarükü ssenarisi olacaq. Belə bir imkanın ətraflı nəzərdən keçirilməsi zəruridir, ondan sonra bu təşəbbüs çərçivəsində istənilən konkret qərar qəbul edilə bilər”, - deyə mənbə qeyd edib.
Avqustun 31-də Moskvada Rusiyanın xarici işlər nazirləri Sergey Lavrov Türkiyənin XİN rəhbəri Hakan Fidan arasında danışıqlar aparılıb. Onlar digər məsələlərlə yanaşı, taxıl müqaviləsini də müzakirə ediblər. Görüş ərəfəsində Rusiya XİN-dən bildirilib ki, Lavrov və Fidan Qətərin maliyyə dəstəyi ilə Türkiyəyə 1 milyon ton Rusiya taxılının güzəştli qiymətə tədarükünün təşkili təşəbbüsünün həyata keçirilməsinin parametrləri üzərində işləmək niyyətindədirlər.
Bundan əlavə, danışıqlarda Rusiya təbii qazının Türkiyə vasitəsilə Rusiyadan Avropaya nəqli müzakirə oluna bilər. “Prezidentlər Ərdoğan və Putin arasında görüşün əsas mövzusu olacaq taxıl müqaviləsi ilə yanaşı, Rusiyadan Türkiyə vasitəsilə Avropaya qaz nəqli də müzakirə oluna bilər. Bu mövzu heç də az əhəmiyyət kəsb etmir, biz Türkiyədə qaz qovşağının yaradılması layihəsindən danışırıq”,- deyə mənbə bildirib.
2022-ci ilin oktyabrında Putin Türkiyə ərazisində “Şimal axını” ilə itirilmiş tranzit həcminin yönləndirilə biləcəyi qovşağın yaradılması ideyasını irəli sürüb. Türkiyə hakimiyyəti bildirir ki, ölkədə infrastruktur baxımından qovşağın layihəsinin həyata keçirilməsi üçün demək olar ki, hər şey hazırdır, lakin qanunvericiliyə düzəlişlər edilməlidir. İlk qanunvericilik qərarları aprelin əvvəlində qəbul edilib və Türkiyənin “Botaş” neft-qaz şirkəti və bəzi digər təchizatçıların fəaliyyətinə aid olub.
Qadir, Bizimyol.info
