Tətbiq istifadəyə verildikdən sonra Zukerberq tez-tez platformaya neçə nəfərin qoşulduğunu paylaşdı və bununla bağlı həyəcanını ifadə etdi.

Çünki cəmi 5 gün ərzində tətbiqə 100 milyon istifadəçi qeydiyyatdan keçib. Bununla belə, yeni məlumat təhlilləri göstərdi ki, "Threads"-in faktiki istifadəçi nisbəti gözlənilən qədər yüksək deyil.

Zukerberq "Threads"i İnstaqramın spinoffu kimi təqdim etməyi seçdi. "Instagram" istifadəçiləri iyulun 6-da tətbiqlər mağazasında yerləşdirilən "Threads"-ə qeydiyyatdan keçməyə dəvət olunublar. "Threads"-dən tamamilə çıxmağın yeganə yolu istifadəçinin "Instagram" hesabını silməkdir. Eyni zamanda 'Threads'-də qeydiyyatdan keçən istifadəçilər "Instagram"-da artıq izlədikləri insanları toplu olaraq əlavə edə bilərlər.

Bu xüsusiyyətlər çoxlu sayda istifadəçinin qısa müddətdə proqrama qeydiyyatdan keçməsinə şərait yaratdı. Məlumatlara görə, ilk həftə ərzində "Threads" dünya üzrə 150 ​​milyon yüklənməyə çatıb. Onların 33 faizi hindistanlı, 22 faizi isə braziliyalı istifadəçilərdir. Yükləmələrin yalnız 16 faizi ABŞ, 8 faizi ilə Meksika və 5 faizi ilə Yaponiyanın payına düşüb. Lakin "SensorTower"-dan verilən məlumatlara görə, eyni müddət ərzində "Threads"-in gündəlik aktiv istifadəçiləri 40 faiz azalıb. Bir istifadəçinin tətbiqdə sərf etdiyi orta gündəlik vaxt da 4 dəfə azalıb.

Müvafiq olaraq, istifadəçilərin yalnız 16 faizi proqramı endirdikdən sonra 7-ci gündə daxil olub. Həmçinin, həmin həftə sonu "Threads"-ə sərf olunan vaxt iyulun 6-dakı pikdən 60 faiz az idi. "SensorTower" analitikləri Abraham Yosef və Sima Şah, "Threads"-də aktivliyin hətta iyulun 6-da instaqramdan 85 faiz, tvitterdən isə 60 faiz aşağı olduğunu söyləyib. Əlavə məlumatlar göstərir ki, hər bir istifadəçiyə düşən "Threads" istifadəsi başlanğıcda gündə 20 dəqiqədən birinci həftənin sonunda cəmi 5 dəqiqəyə enib.

Bu arada, "Twitter" və "Instagram"-da sərf olunan vaxt müvafiq olaraq 30 və 60 dəqiqədə sabit qalıb. Rəqəmsal məlumat və analitik şirkət "Similarweb"-in məlumatları oxşar tendensiyaları göstərir. Belə ki, platformanın Android məlumatlarını təhlil edən firma 7-10 iyul tarixləri arasında gündəlik aktiv istifadəçilərin sayının 25 faizdən çox azaldığını bildirib. Zukerberq "Threads"-ın " daha səmimi və dostluq məkanı" olacağını söyləyib.

Bununla belə, analitiklərin fikrincə, artıq "Facebook" və "Instagram"-da tətbiq olunan avtosenzura "Threads"-də də öz əksini tapıb.

İstifadəçilər postlarına görə platformadan qovulsalar, instaqram hesablarını itirəcəklərindən qorxurdular. Çünki tətbiqin instaqram inteqrasiyası "Twitter"-in can damarı olan anonim hesablara icazə vermir.

Mətin Şükürlü, Bizimyol.info