İlon Mask Fransada “Milli Birlik” partiyasının parlament fraksiyasının lideri Marin Le Penin ölkənin 2027-ci il prezident seçkilərində iştirak etmək niyyətini açıqlamasını şərh edərək, onu respublikanın “son ümidi” adlandırıb.

Bizimyol.info xəbər verir ki, Mask bu barədə sosial şəbəkə "X" platformasında yazıb.

“Fransanın son ümididir”, — deyə qeyd edib.

Onun bu reaksiyası istifadəçilərdən birinin Le Penin son dörd ildə reytinqinin sürətlə artması ilə bağlı paylaşımına cavab olaraq gəlib. İstifadəçi bir sorğunun nəticələrinə istinad edərək bildirib ki, 2022-ci il prezident seçkiləri ərəfəsində Le Penin reytinqi 23 faiz olduğu halda, cari ildə bu göstərici 36 faizə yüksəlib.

Daha əvvəl Paris Apellyasiya Məhkəməsi Marin Le Penin seçkilərdə iştirakına qoyulan qadağanın müddətini 15 aya endirib ki, bu da faktiki olaraq həmin məhdudiyyətin aradan qaldırılması deməkdir. Bundan əlavə, parlament köməkçiləri işi üzrə ona verilən həbs cəzasının müddəti üç ilə endirilib. İki il şərti cəza kimi müəyyən olunub, daha bir il ərzində isə Le Penə elektron qolbaq taxmaq tapşırılıb.

Le Pen partiya müşavirəsinin yekunlarından sonra Fransada 2027-ci ildə keçiriləcək prezident seçkilərində iştirak edəcəyini açıqlayıb.

Fransada prezident seçkilərinin ilk turunun 2027-ci il aprelin 18-də keçirilməsi planlaşdırılır.

Bizimyol.info