Almaniya kansleri Fridrix Merz ölkəsinin müdafiə sahəsində hazırlığının yetərli səviyyədə olmadığını düşündüyünü bildirib.

Bizimyol.info xəbər verir ki, bu barədə o, Berlində keçirilən mətbuat konfransında bildirib.

“Hazırda hələ də çatmalı olduğumuz səviyyədə deyilik. Çünki qarşımızda hər gün açıq şəkildə gördüyümüz bir təhlükə var”, — deyə bildirib.

Kansler deyib ki, Almaniya müharibə şəraitində deyil, lakin əvvəlki kimi tam sülh vəziyyətində də yaşamır. Eyni zamanda, Merz Almaniyanın müdafiədə sürətlə irəlilədiyini - "başqa heç bir ölkəyə bənzəmədiyini" bildirib.

Daha əvvəl Merz dəfələrlə Almaniya hakimiyyətinin Bundesveri Avropanın ən güclü konvensional ordusuna çevirmək niyyətində olduğunu açıqlamışdı.

Rusiya Xarici İşlər Nazirliyinin rəsmi nümayəndəsi Mariya Zaxarova isə bildirib ki, Almaniya militarist yanaşma fonunda keçmişdə Avropanın əsas hərbi gücünə çevrilmək cəhdlərinin hansı faciələrə gətirib çıxardığını unudub.

Bizimyol.info