49 yaşlı Əsəd Qaplan 30 ildir müxtəlif ölkələrə və dövrlərə aid təxminən 3 ton ağırlığında pul kolleksiyasını toplayıb. 9 il əvvəl Devri Aləm Pul Muzeyini yaradan Ə. Qaplan bütün vətəndaşları muzeyə dəvət edib.

Türkiyənini Qaziantep vilayətindən olan Əsəd Qaplan uzun illər yaşadığı Hollandiyadan 18 il əvvəl birdəfəlik Türkiyəyə qayıdıb. Hollandiyada başladığı kolleksiyaçılığı ölkəsində də davam etdirən Ə.Qaplan, doqquz il əvvəl onlarca ölkənin əskinasları və dəmir pullarını inşa etdirdiyi Devri Aləm Pul Muzeyində sərgiyə çıxarmağa başlayıb.

Əlində təxminən 3 ton pul olan Ə. Qaplan, 4 tonluq bir kolleksiyaya sahib olmağı hədəflədiyini qeyd edib.