Suriyanın paytaxtı Dəməşqdə iki partlayış baş verib.

Bizimyol.info xəbər verir ki, “Al Watan” qəzetinin yaydığı xəbərə görə, hadisənin təfərrüatları və partlayışların səbəbi ilə bağlı hələlik rəsmi açıqlama verilməyib.

Qətərin "Al Jazeera" telekanalının məlumatına əsasən, partlayışlardan biri Ərəb Respublikasının Turizm Nazirliyinin binası yaxınlığında baş verib. Digər partlayışın isə Dəməşqə səfər edən Fransa Prezidenti Emmanuel Macronun yerləşdiyi otelin yaxınlığında qeydə alındığı bildirilib.

Hadisə zamanı ölən və ya xəsarət alanlarla bağlı məlumat verilməyib. Suriya hakimiyyəti partlayışlarla bağlı araşdırma aparır.

Fransa liderinin Dəməşq səfəri regional və beynəlxalq diqqəti cəlb edib. Paytaxtda təhlükəsizlik tədbirlərinin gücləndirildiyi bir vaxtda baş verən partlayışlarla bağlı əlavə məlumatların açıqlanacağı gözlənilir.

Bizimyol.info