“Tisa” partiyasının rəhbəri Peter Madyar, yaxın gələcəkdə Macarıstanın baş naziri olacağı halda, İsrailin baş naziri Binyamin Netanyahu-nun Macarıstana səfəri zamanı həbs edilə biləcəyini istisna etməyib.

Bizimyol.info xəbər verir ki, o, bunu Budapeştdə keçirdiyi mətbuat konfransında bir jurnalistin sualına cavab olaraq bildirib.

“İsrailin baş naziri Netanyahuya açıq şəkildə bildirmişəm. 2020-ci ilin iyun ayından etibarən “Tisa” hökuməti bu məsələni dayandırmaq və Macarıstanı Beynəlxalq Cinayət Məhkəməsinin üzvü kimi saxlamaq niyyətindədir. Əgər kimsə Beynəlxalq Cinayət Məhkəməsinin üzvüdürsə və axtarışda olan şəxs ölkəmizə daxil olursa, o, həbs olunmalıdır”, – deyə Madyar jurnalistlərin “Əgər baş nazir həqiqətən Macarıstana gələrsə, həbs ediləcəkmi?” sualına cavabında bildirib.

2024-cü ilin noyabrında MCM (Beynəlxalq Cinayət Məhkəməsi) Netanyahu və İsrailin keçmiş müdafiə naziri Yoav Galant üçün həbs qərarı çıxarmışdı. Daha sonra Avropa İttifaqının xarici siyasət xidmətinin nümayəndəsi Peter Stano bəyan etmişdi ki, bütün Aİ ölkələri MCM-i dəstəkləyir və onun həbs qərarlarını, o cümlədən Netanyahu üçün çıxarılanı yerinə yetirməlidirlər.

2026-cı ilin aprelində Macarıstanın baş naziri Viktor Orban ölkəsinin MCM-dən çıxacağını elan etdi, bunun səbəbi məhkəmənin Netanyahu üçün həbs qərarı verməsi oldu. Hökumət başçısı bildirmişdi ki, bu beynəlxalq məhkəmə artıq siyasi bir alətə çevrilib. Bundan sonra Netanyahu Budapeştdə səfərdə olmuş və Orbanla görüş keçirmişdi.

Qadir, Bizimyol.info