Kaliforniya yanvar ayında ilk ştat olaraq qarğıdalı ununa fol turşusu (Vitamin B9) əlavə edilməsini məcburi etdi. Bu vitamin, yeni doğulmuş uşaqlarda ciddi “neyral boru qüsurları”nın qarşısını almaq üçün həyati əhəmiyyət daşıyır.

Bizimyol.info xəbər verir ki, qanun, Latın amerikalı analar arasında bu qüsurların yüksək olmasını azaltmaq məqsədi daşıyır.

Alabama iyunda oxşar qanunu qəbul edəcək, Florida, Corciya, Oklahoma və Oregon isə məsələni araşdırır. Texas, Delavare, Neyu Jersi və Pennsylvaniya da buna maraq göstərir. Böyük istehsalçılar artıq məhsullarını fol turşusu ilə zənginləşdirir. "Mission Foods" 2024-cü ildən bəri bütün tortillalarına əlavə edir, "Gruma Corp."un satışlarının 97%-i artıq fol turşusu ilə zənginləşdirilib.

Tədqiqatlar göstərir ki, fol turşusu spina bifida və anensefaliya kimi qüsurların riskini 30% azaldır. Ekspertlər bu zənginləşdirməni təhlükəsiz və sərfəli hesab edir. Hamiləlikdən əvvəl və erkən dövrdə fol turşusunun yetərli olması uşaqların həyatını xilas edə bilər.

Bəzi tənqidçilər fol turşusunu “zəhərli” adlandırır, MTHFR gen variasiyası ilə əlaqələndirir, amma mütəxəssislər bu iddiaların səhv olduğunu bildirir. CDC də fol turşusunun bütün qadınlar üçün faydalı olduğunu vurğulayır.

Andrea Lopez 15 il əvvəl oğlunu neytral boru qüsuruna görə itirmişdi. O, Kaliforniyanın qanununu dəstəkləyir və deyir ki, bu addım başqa anaların eyni ağrını yaşamasının qarşısını ala bilər.

Kaliforniyanın təşəbbüsü digər ştatlar üçün nümunə ola bilər və fol turşusu ilə zənginləşdirilmiş qarğıdalı məhsulları daha geniş yayılacaq. Bu addım, uşaqların sağlam doğulması və anaların qorunması üçün əhəmiyyətli bir irəliləyişdir.

Qadir, Bizimyol.info