İran İslam İnqilabı Keşikçiləri Korpusu (İİKK) Baş Dəniz Qüvvələrinin komandanı, kontr-admiral Alireza Tang­sirinin ölməsini təsdiqləyib.

Bizimyol.info xəbər verir ki, dövlət televiziyası və radio tərəfindən yayılan bəyanatda qeyd olunur ki, “şəhid kontr-admiral Alireza Tang­siri ağır və ölümcül xəsarətlər alıb”.

Tang­siri-nin ölümü barədə ilk xəbərlər martın 26-da yayılıb. İsrailin müdafiə naziri İsrael Kats və ABŞ Pentaqonunun rəhbəri Pit Heqset onun ölümünü açıqlayıb. Hələlik ölümün dəqiq səbəbləri açıqlanmır.

İİKK İranın hərbi və strateji sahələrində mühüm rol oynayan bir qurumdur. Tang­siri isə xüsusilə Hərbi Dəniz Qüvvələrinin modernləşdirilməsi və əməliyyat qabiliyyətinin artırılmasında aktiv iştirak edib. Onun ölümü regionda hərbi və siyasi gərginliyin artması ilə bağlı narahatlıqlar doğurub.

Analitiklər bildirirlər ki, Tang­sirinin vəzifəsindən ayrılması İİKK-nın dəniz əməliyyatlarına və İranın strateji mövqeyinə təsir göstərə bilər. Eyni zamanda, hadisə İran-İsrail münasibətlərində və ABŞ-İran dinamikasında yeni təlatümlərə səbəb ola bilər.

İran hökuməti və İİKK-in rəhbərliyi yaxın günlərdə Tang­sirinin xatirəsinə həsr olunmuş mərasimlər və anma tədbirləri keçirəcəklərini açıqlayıb.

Qadir, Bizimyol.info