ABŞ Quru Qoşunları, İran dronlarının hücumlarına qarşı mübarizə aparmaq məqsədilə, Ukraynada da istifadə edilmiş "MEROPS" anti-dron sistemlərinin Yaxın Şərqə təcili çatdırılmasını təşkil edir.

Bizimyol.info xəbər verir ki, bu barədə məlumatı "The Wall Street Journal" qəzeti yayıb.

Qəzetin məlumatına görə, "Perennial Autonomy" şirkəti tərəfindən istehsal olunan bu avadanlıq, ABŞ-ın Avropadakı ehtiyatlarından kiçik miqdarda Yaxın Şərq bölgəsinə göndərilib. Bu sistemlərlə işləmək üçün ABŞ hərbçiləri də bölgəyə göndəriləcəklər.

Əlavə olaraq, qəzet ABŞ administrasiyasının rəsmilərinə istinadla bildirir ki, Ukrayna bu sistemlərin istifadəsi ilə bağlı təcrübəsini bölüşmək üçün öz instrukturlarını göndərəcək.

28 fevral tarixində ABŞ və İsrail İran əleyhinə hərbi əməliyyata başlayıb. Əməliyyat nəticəsində Tehran da daxil olmaqla, İranın iri şəhərləri raket zərbələrinə məruz qalıb. Ağ Ev əməliyyatı İranın raket və nüvə təhlükəsi ilə əsaslandırıb. İslam İnqilabı Keşikçiləri Korpusunun bildirdiyinə görə, onlar İsraildəki obyektlərə genişmiqyaslı əks-hücum həyata keçiriblər. Zərbələr ABŞ obyektlərinə də Bəhreyn, İordaniya, Qətər, Küveyt, BƏƏ və Səudiyyə Ərəbistanına dəyib. Nəticədə, İrana edilən zərbələr zamanı ali lider ayətullah Əli Xamenei və İslam Respublikasının rəhbərliyindəki digər bir neçə yüksək vəzifəli şəxs həyatını itirib.

Bizimyol.info