ABŞ Rusiya Federasiyasına qarşı yeni sanksiyalar tətbiq edir. Onlar Rusiyanın “Rosneft” və “Lukoyl” şirkətlərinə təsir edəcək.

Bizimyol.info xəbər verir ki, bu barədə ABŞ Maliyyə Nazirliyinin saytında məlumat verilib.

Qeyd olunur ki, məhdudiyyətlər Rusiyanın Ukraynada müharibəyə son qoymaq üçün sülh prosesinə ciddi yanaşmaması səbəbindən tətbiq edilir.

“İndi qətlləri dayandırmağın və dərhal atəşkəs elan etməyin vaxtıdır. Prezident Putinin bu mənasız müharibəni dayandırmaqdan imtina etməsini nəzərə alaraq, Xəzinədarlıq Departamenti Kremlin döyüş maşınını maliyyələşdirən Rusiyanın iki ən böyük neft şirkətinə qarşı sanksiyalar tətbiq edir.

Xəzinədarlıq Departamenti lazım gələrsə, prezident Trampın növbəti müharibəyə son qoymaq səylərini dəstəkləmək üçün əlavə tədbirlər görməyə hazırdır. Biz müttəfiqlərimizi bu sanksiyalara əməl etmək üçün bizə qoşulmağa çağırırıq”, - deyə ABŞ maliyyə naziri Skott Bessent bildirib.

Qeyd olunur ki, sanksiyalar “Rosneft” və “Lukoyl”la yanaşı, birbaşa və ya dolayı yolla bu nəhənglərə məxsus şirkətlərə, hətta birbaşa sanksiyalar siyahısına daxil olmasalar da, 50% və daha çox təsir edəcək. Bu, “Rosneft”in 28 törəmə müəssisəsinə və “Lukoyl”un altı törəmə müəssisəsinə aiddir.

Xatırladaq ki, ABŞ-ın maliyyə naziri Skott Bessent daha əvvəl Rusiyaya qarşı sanksiyaların əhəmiyyətli dərəcədə sərtləşdirildiyini açıqlamışdı. O, yeni məhdudiyyətlərin ABŞ-ın Rusiyaya qarşı tətbiq etdiyi ən böyük sanksiyalardan biri olacağını vurğulayıb.

Verilən məlumata görə, Avropa İttifaqına üzv ölkələrin səfirləri Rusiya Federasiyasına qarşı yeni, 19-cu sanksiyalar paketi ilə bağlı razılığa gəliblər. Bu məhdudiyyətlər paketinə Rusiyadan mayeləşdirilmiş təbii qazın (LNG) idxalına qadağa daxildir.

Yekun mətn ötən həftə razılaşdırılıb. Buna razı olmayan yeganə ölkə Slovakiya idi. Lakin Aİ liderlərinin sammitinin yekun kommünikesinə əlavə edilən yeni məqamlar sayəsində ölkənin tələbləri yerinə yetirilib.

Qadir, Bizimyol.info