İsveç və Norveçdə Nobel Komitəsinin elm, ədəbiyyat və sülh sahəsində görkəmli nailiyyətlərinə görə nüfuzlu mükafatın laureatlarını elan etdiyi illik tədbir olan Nobel Həftəsi başlayıb.

Bizimyol.info xəbər verir ki, bu barədə Nobel Fondunun saytında məlumat verilib.

Ənənəvi olaraq həftə fiziologiya və ya tibb üzrə laureatların elan edilməsi ilə başlayır – onların adları bu gün - oktyabrın 6-da elan olunacaq.

Fizika kateqoriyası üzrə qaliblər çərşənbə axşamı, kimya üzrə qaliblər çərşənbə günü, ədəbiyyat üzrə qaliblər isə cümə axşamı elan olunacaq.

Həftə oktyabrın 10-da, cümə günü Norveçin paytaxtı Osloda Nobel Sülh Mükafatı laureatının elan ediləcəyi ilə yekunlaşacaq.

İqtisadiyyat üzrə Alfred Nobel Memorial Mükafatının laureatı oktyabrın 13-də Stokholmda elan olunacaq.

1895-ci ildə dinamit ixtiraçısı Alfred Nobelin vəsiyyəti ilə təsis edilən Nobel mükafatı görkəmli elmi tədqiqatlara, inqilabi ixtiralara, cəmiyyətə və mədəniyyətə mühüm töhfələrə görə verilir.

Bu il mükafat 11 milyon İsveç kronu (təxminən 1,2 milyon dollar) təşkil edir. Qaliblərə 18 karatlıq qızıl medal və diplom da veriləcək.

Mükafat mərasimi ənənəvi olaraq dekabrın 10-da, Alfred Nobelin ölümünün ildönümündə Stokholm meriyasında keçiriləcək.

Bizimyol.info