Türk Əməkdaşlıq və Koordinasiya Agentliyi (TİKA) Azərbaycan Tibbi Ərazi Bölmələrini İdarəetmə Birliyi (TƏBİB) ilə birgə Azərbaycanın Bakı, Şamaxı və Gəncə şəhərlərində fəaliyyət göstərən oftalmoloqlar üçün “Göz Travması İdarəetmə Təhsili” proqramı təşkil edir.
Bizimyol.info xəbər verir ki, TİKA və TƏBİB-in əməkdaşlığı ilə 27-28 yanvar tarixlərində Bakı Neftçilər Xəstəxanasında keçirilən təlim proqramında Prof. Dr. Muhammed Batur, Van Yüzüncü Yıl Universiteti Tibb Fakültəsi Müəllim Dr. Veysi Yıldız və Van Təhsil və Araşdırma Xəstəxanasının həkimi Dr. Rumeysa Bilmez Tan pedaqoq olaraq iştirak etdi.
Bakı şəhərində keçirilən təlim proqramında iştirak edən və göz travmasının təsnifatı və terminologiyası, göz travmasının skorinqi, tikiş və tikiş materialları, göz travması zədələri, buynuz qişa və ətrafların zədələnməsi, konyunktiva və sklera olan xəstələrə yanaşma üzrə təlim modulunu tamamlayan 25 azərbaycanlı oftalmoloqa sertifikatlar təqdim olunub.
Bakıdan sonra təlim proqramı Azərbaycanın Şamaxı və Gəncə şəhərlərində davam etdiriləcək. Proqram çərçivəsində ümumilikdə 60 azərbaycanlı həkim təlim keçəcək.
Bakıda keçirilən təlim proqramının başlama mərasimində TİKA-nın Bakı Proqram Koordinatoru Hayrettin Özçelik, TƏBİB-in sədr müavini Araz Nesirov, xəstəxana müdirləri və həkimlər iştirak ediblər. Tədbirdə çıxış edən TƏBİB-in vitse-prezidenti Araz Nesirov özünün də Trakya Universitetinin məzunu olduğunu bildirib: “Türkiyə yüzlərlə həkim yetişdirdi və onların Azərbaycana xidmət etməsinə şərait yaratdı. Buradakı həkimlərimiz vasitəsilə Türkiyəyə təşəkkür edirik”, - deyib.
Nesierov: “Siz material ala bilərsiniz, ən müasir avadanlıqlardan istifadə edə və ən təsirli dərmanı verə bilərsiniz, amma insanları sağaldan həkimlərdir. İşini layiqincə yerinə yetirən vicdanlı həkimlərin yetişdirilməsi daha vacibdir”, - deyə o qeyd edib.
TİKA Bakı Proqram Koordinatoru Özçelik bildirib ki, TİKA-nın fəaliyyətə başladığı gündən Azərbaycanda həyata keçirdiyi 1500-dən çox layihənin 20 faizi səhiyyə layihələridir. Özçelik dost və qardaş Azərbaycanda səhiyyə işçilərinin bilik və təcrübələrini artırmaq üçün təlim layihələrini davam etdirəcəklərini qeyd edib.
Pedaqoqlardan Prof.Dr. Muhəmməd Batur Azərbaycan həkimləri ilə birlikdə göz travmalarını həm nəzəri, həm də hallar əsasında qiymətləndirdiklərini bildirərək, təhsil və təcrübə mübadiləsi məsədi ilə azərbaycanlı həmkarları ilə görüşməkdən böyük məmnunluq duyduqlarını bildirib.
