Sərbəst, brass, kəpənək, arxası üstə, delfin dalışı… Üzgüçülük üslublarına gəlincə, müxtəlif misallar vermək olar. Bəziləri ən çətin, bəziləri isə ən çox kalori yandıranlardır. Bəs ən sürətli hansıdır?

Bizimyol.info "webtekno"ya istinadən xəbər verir ki, ən sürətli üzgüçülük tərzi ümumiyyətlə kəpənək və ya brass üsulu hesab olunur. Ancaq vəziyyət heç də düşündüyünüz kimi deyil.

Hansı üzgüçülük növünün ən sürətli olduğunu görək.

Corc Vaşinqton Universitetindən Racat Mittal 2003-cü ildən delfinlərin və digər dəniz məməlilərinin sudakı hərəkətlərini öyrənir.

Mittal apardığı araşdırmalar nəticəsində, delfin dalışı kimi tanınan bu üzgüçülük tərzi ilə idmançıların digər tərzlərlə müqayisədə suda çox daha sürətli irəlilədiyini aşkar edib.

Delfin dalışı, adından da göründüyü kimi, delfinlərin və digər dəniz məməlilərinin sualtı hərəkətlərinə uyğunlaşdırılmış üzgüçülük tərzidir. Bu hərəkət zamanı bədən dalğa kimi hərəkət edir.

Bədənlərinin yaratdığı dalğanın hündürlüyü və bu hərəkəti etmə tezliyi üzgüçülərin sürətinə təsir edən amillərdir

Bu üzgüçülük tərzi, səthə çıxmadan tamamilə su altında həyata keçirildikdə, üzgüçülərə sürət və enerji səmərəliliyi baxımından bir sıra üstünlüklər verir. Bunun səbəbi, üzgüçülərin dalışı və ya ayaq vuruşu zamanı suyu itələyərək irəliləməsidir.

Buna görə də, bu hərəkətlər tamamilə su altında həyata keçirildikdə daha çox itələmə yaradır. Bundan əlavə, üzgüçülər səthə yaxınlaşdıqda suyun səthində dalğalar yaradırlar. Dalğa əmələ gəlməsi üçün lazım olan enerjinin mənbəyi üzgüçü özüdür.

Başqa sözlə, üzgüçü və ya idmançı suyu itələyərkən sərf etdiyi enerjinin bir hissəsini hərəkətə deyil, səth dalğaları yaratmaq üçün istifadə edir. Xülasə, delfin dalışı bütün bu səbəblərə görə ən sürətli üzgüçülük tərzidir.

Qadir, Bizimyol.info