Keçmiş Baş Mühəndis və "OpenAI"nin həmtəsisçisi İlya Sutskever öz süni intellekt şirkəti SSI-ni qurub. "OpenAI"nin qurucularından İlya Sutskever şirkətdə keçirdiyi uğurlu illərdən sonra təşkilatdakı dəyişikliklərə öyrəşə bilməyib və bir müddət gündəmi zəbt edən "OpenAI" dramından sonra şirkətdən ayrılmaq qərarına gəlib. Sutskever indi öz süni intellekt şirkətini yaratmaq üçün qollarını çırmalayır.
Bizimyol.info "webtekno"ya istinadən xəbər verir ki, "Safe Superintelligence Inc." Şirkətini (SSI - Secure Superintelligence Company) elan edən Sutskever, əvvəllər birlikdə işlədiyi Daniel Qross və keçmiş "OpenAI" mühəndisi Daniel Levy ilə işləyəcəyini açıqlayıb.
Sutskever Cen Leike ilə birlikdə "OpenAI"də təhlükəsiz süni intellekt bölməsinin rəhbəri idi.
Sutskever süni intellektin mümkün riskləri barədə xəbərdarlıq edir
Əslində, Sutskeverin təhlükəsiz süni intellekt sahəsində işləməsi təəccüblü deyil. Çünki xatırlayırıq ki, hətta "OpenAI"da işlədiyi vaxlarda da məşhur mühəndis və sahibkar süni intellektlə bağlı özünün ehtiyatlı davranma ilə bağlı fikirlərini ifadə edib. 2023-cü ildə Leike ilə bloq yazısı yazan Sutskever, süni intellektin 10 ildən sonra insanları keçəcəyini bildirib. O, bu vəziyyətin mütləq faydalı ola bilməyəcəyinə, bu səbəbdən süni intellektin məhdudlaşdırılmasını və idarə olunmasını mümkün edən sistemlərin zəruri olduğuna diqqət çəkdi.
"X" vasitəsilə SSI ilə bağlı açıqlamalar verən Sutskever paylaşımlarında: “SSI bizim missiyamız, adımız və bütün məhsul yol xəritəmizdir, çünki bu, bizim yeganə istinad nöqtəmizdir. Komandamız, istehsalçılarımız və biznes modelimiz SSI-yə nail olmaq üçün tam uyğunlaşdırılıb. Biz təhlükəsizlik və imkanları birlikdə nəzərdən keçiririk və onları inqilabi mühəndislik, həmçinin elmi nailiyyətlər vasitəsilə həll ediləcək texniki problemlər kimi görürük.
Biz imkanları mümkün qədər tez inkişaf etdirməyi planlaşdırırıq, lakin təhlükəsizliyimizi təmin etmək həmişə birinci yerdədir. Beləliklə, biz sülh içində böyüyə bilərik. Yeganə diqqətimiz o deməkdir ki, biz idarəetmə xərcləri və ya məhsul dövriyyəsi ilə diqqətimizi yayındırmırıq, biznes modelimiz təhlükəsizlik və tərəqqi qısamüddətli kommersiya təzyiqlərindən qorunmaq deməkdir”, - deyə bildirib.
Qadir, Bizimyol.info
