ABŞ Prezidenti Donald Tramp sələfləri — Corc Buş (kiçik), Barak Obama və Co Baydenlə birlikdə Ağ Evdə Amerika futbolu matçını izləmək ehtimalını istisna etməyib.

Bizimyol.info xəbər verir ki, Tramp bu barədə ABŞ-ın ikinci xanımı Uşa Vensin verilişində danışıb.

Söhbət zamanı o və vitse-prezident Ceyms Devid Vensin həyat yoldaşı Ağ Evin Tarixi Assosiasiyası tərəfindən nəşr olunan "Presidents Play" ("Prezidentlər oyunda") adlı uşaq kitabı ilə tanış olublar.

"Bəlkə Barak Hüseyn Obamanı, Co Baydeni və ya Corc Buşu dəvət edim? Bəlkə onlardan bəzilərini birlikdə futbol matçına baxmaq üçün çağırım?" – deyə Tramp bildirib.

O, belə bir görüşün mediada böyük rezonans doğuracağını da vurğulayıb. "Bu, maraqlı bir hadisə olardı. Mətbuat dəli olardı", – deyə ABŞ prezidenti əlavə edib.

ABŞ-ın keçmiş prezidentlərinin hobbilərinə həsr olunmuş kitabı vərəqləyən Tramp həmçinin qeyd edib ki, Ağ Evin ərazisində qolf oynamır. Onun sözlərinə görə, bunun səbəbi insanların onu oyun oynayarkən deyil, işləyərkən görməsini istəməsidir.

Bizimyol.info