İran İsrailin mərkəzində, cənubunda və şimalında hədəflərə raket zərbələri endirib.

Bizimyol.info xəbər verir ki, bu barədə İranın İnqilab Keşikçiləri Korpusunun (İİKK) mətbuat xidməti məlumat verib.

Bəyanata görə, İİKK-in hava-kosmik qüvvələri ağır raket sistemləri Emad, Xorramşahr-4 və Qadr vasitəsilə Bney-Brakda İsrailin arxa cəbhə komandanlığı ofislərini, eləcə də Təl-Əviv, Beerşeva, Qalileya və Neqev bölgələrində, Təl-Nof hava bazasında və Arad şəhərində hədəfləri vurub.

Eyni zamanda, İran İraqda, Küveytdə və BƏƏ-də ABŞ bazalarına raket və pilotsuz uçuş aparatı (PUA) zərbələri endirib. İsrail və ABŞ bazalarına hücuma Livanın “Hizbullah” təşkilatı, həmçinin İraq və Yəmənin Müqavimət qüvvələri də qoşulub.

Qadir, Bizimyol.info