ABŞ və Kanadanın dörd hava limanının ictimai çıxış sistemləri sındırılıb və Fələstinin Həmas hərəkatını dəstəkləyən, ABŞ və İsrail liderləri Donald Tramp və Benyamin Netanyahunu tənqid edən bəyanatlar yayımlanıb.

Bizimyol.info xəbər verir ki, bu barədə CNN məlumat yayıb.

Agentliyin məlumatına görə, insidentlər Pensilvaniya ştatının Harrisburq beynəlxalq hava limanında, eləcə də Kanadanın Kelouna, Viktoriya və Vindzor şəhərlərindəki hava limanlarında baş verib. Hakerlər hava limanının işini pozub və uçuşların gecikməsinə səbəb olublar.

Harrisburq hava limanının sözçüsü CNN-ə deyib ki, "gizli istifadəçi hava limanının ictimai ünvan sisteminə daxil olub və icazəsiz qeyd etməyə başlayıb". "Mesajlar siyasi xarakter daşıyırdı və hava limanına, aviaşirkətlərə və ya sərnişinlərə qarşı hər hansı təhdid ehtiva etmirdi", - deyə o əlavə edib.

Qadir, Bizimyol.info