Zədədən sonra dərimizin müxtəlif yerlərində qançırlar əmələ gəlir. Bəzən qollarımızın və ya ayağımızın hara vurduğumuzu bilmədən bu qançırlar görürük. Gündən-günə rəngi dəyişən bu yaralar niyə göy qurşağı kimi görünür?

Bizimyol.info "webtekno"ya istinadən xəbər verir ki, dərinin altında qanaxmaya səbəb olan bu zədələr bənövşəyidən yaşıla, yaşıldan sarıya çevrilir.

Bu dəyişikliyin səbəbini heç düşünmüsünüzmü?

İlk növbədə, bu qançırlar necə əmələ gəldiyinə baxmaq lazımdır

Dərimizdəki qançırlar daha çox kiçik qan damarlarının zədələnməsi və toxumalara qan sızması nəticəsində baş verir. Dəri zədələnirsə, qanaxma baş verir.

Diqqət etdiyiniz kimi, zədədən sonra zədələnmiş sahə qırmızı olur. Bu, toxumalar arasında qan sızması ilə əlaqədardır. Qana rəng verən hemoglobin oksigenin toxumalara daşınmasından da məsuldur.

Əgər oksigen hemoglobinə bağlanarsa, zədələnmiş nahiyə qırmızı olacaq

Bəs oksigen bağlanmadıqda? Sualımızın cavabı əslində buradadır. Çünki oksigen bağlanmadıqda, qan oksigeni itirdikcə rəngi mavi və bənövşəyi çalarlara çevrilir.

Çürüklər sağalma prosesində böyük bir rəng dəyişikliyinə məruz qalır. Bu rəng dəyişikliyinin əsas səbəbi qançırlar əmələ gəlməsində rol oynayan hemoglobinin biokimyəvi transformasiyalarıdır. Qançırda aşkar edilən hemoglobin, makrofaqlar adlanan xüsusi hüceyrələr tərəfindən parçalanır.

Bu parçalanma prosesi nəticəsində əmələ gələn molekullardan biri yaşılımtıl rəngə sahib olan biliverdindir

Zamanla biliverdin başqa bir sarı molekul olan bilirubinə çevrilir. Bu kimyəvi çevrilmələr zamanla bənövşəyidən yaşıla, sonra isə sarıya çevrilərək qançırın rənginin dəyişməsinə səbəb olur.

Ümumiyyətlə, şəfa zədədən iki həftə sonra baş verir və dərinin toxuması normala qayıdır. Bu göy qurşağına bənzər dəyişikliklərin səbəbi əslində bu qədər sadədir!

Qadir, Bizimyol.info