Salamlaşanda, harasa gələndə, yeni insanlarla tanış olanda... İnsanlarla əlaqə yaratmaq üçün etdiyimiz əl sıxmağın əsl səbəbi nə idi və niyə bunu özümüzə vərdiş halına gətirdik? Bu ənənə yeni yaranan ənənə deyil.

Bizimyol.info "webtekno"ya istinadən xəbər verir ki, tarix boyu hər bir cəmiyyət özünəməxsus salamlaşma tərzini inkişaf etdirmişdir. Əl sıxma bunlardan biridir və ən çox yayılmışdır.

Ümumiyyətlə hörmət əlaməti sayılan əlləri niyə sıxırıq?

Əl sıxmağın bəşər tarixinin dərinliklərindən bu günə qədər uzanan bir çox mənası var

Bu ritual əvvəlcə tanışlıq və qarşılıqlı hörmət nümayişi kimi qəbul edilsə də, zaman keçdikcə müxtəlif mədəniyyətlərdə müxtəlif üsullarla tətbiq edilib. Bunun əsas səbəblərindən biri də qarşıdakı insanı tanımaq və ona dostcasına yanaşmaq istəyidir.

Biz insanlar olaraq ilk təmasda qarşı tərəfin kim olduğunu bilmək istəyirik və bu məlumatı emosional və sosial bağlarımızla dəstəkləyirik. Bu mənada deyə bilərik ki, əl sıxma bir növ təbii məlumat mübadiləsidir.

Araşdırmalara görə, əl sıxarkən bədənimizin ifraz etdiyi kimyəvi maddələr qarşımızdakı insanın kimyəvi imzasını əldə etməyə kömək edir

Bu kimyəvi maddələrin bizə sensor məlumatı emal etməyə və tez bir zamanda digər insan haqqında təəssürat yaratmağa kömək etdiyi düşünülür. Araşdırmada qeyd olunan şəxslərin əl sıxarkən qeyri-ixtiyari olaraq əllərinin iyini hiss etdikləri müəyyən edilib.

Davranış elmləri üzrə mütəxəssis Val Körtis “Baxma, toxunma” kitabında öpüşmə və əl sıxmaların salamlaşma ritualı olaraq istifadə edilməsinin əsas səbəbinin insanların bir-birlərinə kifayət qədər güvəndiklərini və hətta mikrob paylaşa biləcək qədər yaxın olduqlarını ifadə etmək olduğunu qeyd edir.

Daha doğrusu, bu, tarixdən əvvəlki dövrlərdə silahların olmadığını göstərmək üçün bir üsul idi

Tarixi baxımdan məlum olan ən qədim sənəd e.ə. 5-ci əsrə aid bir relyefdir. Afinada tapılan bu relyefdə iki əsgərin əl sıxması əks olunub. Bu görüntünün izah etdiyi kimi, əl sıxmaq əslində sülhün təcəssümüdür.

“Əlimdə silah yoxdur” deməyin, dostluğun ifadəsi olan əl sıxmaq bizim universal davranışlarımızdan sadəcə biridir.

Qadir, Bizimyol.info