2021-ci ildə Rusiyanın şərqindəki Yakutiya sakinləri donmuş vəziyyətdə olan 44 min illik canavar cəsədi tapdılar. Alimlərin fikrincə, bu cəsəddə qədim viruslar barədə məlumat əldə etmək mümkün ola bilər.
Bizimyol.info "trhaber"ə istinadən xəbər verir ki, Rusiyanın Yakutsk şəhərindəki Şimal-Şərqi Federal Universitetinin tədqiqatçıları mumiyalanmış qalıqları tədqiq edərək heyvan haqqında daha çox məlumat əldə etməyə çalışırlar.
Dondurma şəraiti Sibir Qurdunu mumiyalamağa və mükəmməl şəkildə qorumağa kömək edib. Dişləri, tüklərinin çoxu hələ də toxunulmaz qalıb və bəzi orqanlarının mükəmməl qorunduğu məlum olub.
Alberta Universitetinin antropoloqu Robert Losi bu barədə "Business Insider"ə bildirib: “Bu, indiyə qədər tapılan yeganə tam yetkin canavarıdır və bu şəkildə qalması həqiqətən diqqətəlayiq, tamamilə unikaldır. Belə yaxşı qorunmuş qədim heyvandan onların genetikası, həyat tərzi, pəhrizi, hətta hansı qədim bakteriya və viruslara sahib olduqlarını öyrənmək üçün çox şey var", - deyə bildirib
Losiyə görə, 44.000 yaşlı canavar, ehtimal ki, nəsli kəsilmiş bir növə aiddir və müasir canavarlardan daha böyükdür.
Dişini araşdırdıqdan sonra elm adamları onun yetkin bir erkək canavar olduğunu düşünürlər. Çox güman ki, o, mamontların, yunlu kərgədanların, nəsli kəsilmiş atlar, bizon və maralların yaşadığı düz, soyuq bir mühitdə ovlanırdı. Bu heyvanların bəzilərinin qalıqları yəqin ki, hələ də canavarın mədəsində tapıla bilər.
Daha çox məlumat əldə etmək üçün tədqiqatçılar canavarın mədə və həzm sistemindən nümunələr götürüb və nəticələrini gözləyirlər. Alimlər qeyd edirlər ki, istənilən naməlum mikroorqanizm gələcək dərmanların hazırlanmasında rol oynaya bilər.
Qlobal temperatur yüksəldikcə Yer kürəsinin əbədi donunun əriməsi ilə belə qədim canlıların daha çox ortaya çıxacağı ehtimal edilir. Məsələn, 2022-ci ildə aşkar edilmiş mükəmməl qorunub saxlanılmış bir körpə mamont hələ də müayinə mərhələsindədir.
Ancaq bu araşdırmalar bəzən problemlərə səbəb ola bilər. 2016-cı ildə Sibirin Yamal yarımadasında əbədi donun əriməsi bir vaxtlar donmuş maral cəsədindən qarayara xəstəliyinə səbəb olmuş, 36 nəfərə yoluxmuş və bir uşağın ölümünə səbəb olmuşdu.
Keçən il tədqiqatçı Jean-Michel Klaveriye Sibirin donmuş ərazisində tapdıqları 48.000 illik virusu canlandırdığını açıqlamışdı.
Yakutiya canavarının bağırsaqlarında tapılan hər hansı qədim virus və ya bakteriya tədqiqatçılara əbədi donmuş canlıların içərisində gizlənən mikrobları daha yaxşı başa düşməyə kömək edə bilər.
Qadir, Bizimyol.info
