Şimali Kipr Türk Respublikasının (ŞKTC) hakimiyyət orqanları İnterpol tərəfindən axtarışda olan, "kriminal aləmdə" "Vitya Pan" ləqəbli Viktor Panyuşini Rusiyaya ekstradisiya etmək qərarına gəlib.

Bizimyol.info xəbər verir ki, bu barədə cümə günü "Habertürk" qəzeti məlumat yayıb.

Onun sözlərinə görə, məhkəmə orqanları Panyuşinin Rusiya Federasiyasının hüquq-mühafizə orqanları tərəfindən öz ərazisində doqquz maddə ilə törədilmiş cinayətlərə görə axtarışda olduğunu nəzərə alıb. Bunlara adam öldürmə, cinayət təşkilatı yaratmaq, qanunsuz qumar oyunlarının təşkili və aparılması, mütəşəkkil bir qrup şəxs tərəfindən adam oğurluğu daxildir.

"ŞKTC Nazirlər Şurası cinayətkarın qanunsuz olaraq Şimali Kipr ərazisində olmasının tanınması və Şimali Kiprdə onunla bağlı hüquqi prosedurlar başa çatdıqdan sonra onun Türkiyəyə aparılması, oradan isə Rusiya ərazisinə köçürülməsi barədə qərar qəbul edib", - deyə qəzet məlumat verib.

"Əvvəllər Panyuşin Rusiya Federasiyasından Ukraynaya qaçıb, orada fərqli soyad və doğum tarixi ilə Ukrayna pasportu alıb", - deyə Habertürk qeyd edib.

Nəşrin yazdığına görə, o, 2023-cü ilin əvvəlində ŞKTC-yə gəlib və Rusiya pasportu ilə 2021-ci ildə olduğu oteldə qalıb. Bildirilir ki, iyun ayında respublika polisi onu saxta sənədlər təqdim etdiyinə görə saxlayıb və İnterpol onun ekstradisiyasını tələb edib.

Qadir, Bizimyol.info