Prezident Ersin Tatar Şimali Kipr Türk Respublikası (ŞKTC) universitetlərini bitirərək ölkələrinə qayıdan Qırğızıstan vətəndaşları ilə görüşüb.

Bizimyol.info xəbər verir ki, ŞKTC Bişkek Nümayəndəliyində prezident Tatarı ziyarət edən tələbələr, ŞKTC prezidentini öz ölkələrində görməkdən məmnun olduqlarını ifadə etdilər; O, Kiprdə Qırğızıstan tələbəsi olmaq təcrübələrini bölüşüb.

Hazırda ŞKTC-də 300 tələbənin təhsil aldığı bildirilən müsahibədə tələbələr ölkəyə qayıtdıqdan sonra bir çox digər tələbələrin ŞKTC-yə getmələrində vəsilə olduqlarını qeyd edərək, adadakı tələbəlik həyatlarının müsbət təcrübə olduğunu bildiriblər.

Mədəni yaxınlığın Qırğızıstan tələbələri üçün böyük üstünlük olduğunu bildirən tələbələr, ŞKTC üçün darıxdıqlarını və ən qısa zamanda buranı ziyarət etmək istədiklərini vurğuladılar.

Prezident Ersin Tatar da Qırğızıstanda olmaqdan məmnunluğunu ifadə edərək, Qırğızıstan prezidenti Sadır Çaparovla görüşündə daha çox tələbənin ŞKTC-yə gəlməsini xahiş etdiyini qeyd edib.

Qadir, Bizimyol.info