Şimali Kipr Türk Cümhuriyyəti (ŞKTC) Prezidenti Ersin Tatar Bişkekdə rəsmi münasibətlər çərçivəsində Qırğızıstan Prezidenti Sadır Caparov ilə görüşüb.

Bizimyol.info xəbər verir ki, Prezident İqamətgahında keçirilən görüş təxminən bir saat yarım davam edib. Bir müddət təkbətək görüşən Tatar və Caparov daha sonra nümayəndə heyətləri arasında görüş keçiriblər. Heyətlər arasındakı görüşdə İctimai işlər və Nəqliyyat naziri Erhan Arıklı, Prezidentlik nümayəndələri və səlahiyyətlilər iştirak edib.

Görüşdə Kipr problemi ilə bağlı irəliləyişlər, Türk Dünyası ilə Qırğızıstan başda olmaqla Şimali Kipr Türk Cümhuriyyəti arasındakı əlaqələr, təhsil və turizm kimi sahələrdə potensial problemlər müzakirə edilib.

Prezident Ersin Tatar görüşdən sonra mətbuata açıqlamalar verib. Ersin Tatar əvvəlcə prezident Sadır Çaparovla təkbətək görüşdüyünü, daha sonra nümayəndə heyətləri arasındakı görüşlə davam etdiyini qeyd edib. O, bildirib ki, görüşlərdə Kipr məsələsinin hazırkı mərhələsi, Kipr türk xalqına qarşı edilən haqsızlıqlar, iki dövlət siyasətinin səbəbi və Türk Dövlətləri Təşkilatı çərçivəsində aparılan işlər müzakirə olunub.

Qadir, Bizimyol.info