Rusiyanın “Tatneft” şirkəti Türkiyənin “Aytemiz Akaryakit” yanacaq şirkətini 320 milyon dollara satın alır. Aytəmiz şəbəkəsinə Türkiyənin müxtəlif bölgələrində 570-ə yaxın yanacaqdoldurma məntəqəsi daxildir.

Bizimyol.info xəbər verir ki, bu barədə Rusiyanın “Kommersant” nəşri məlumat yayıb.

Aytemizin 50%-nə sahib olan investisiya holdinqi Doğan Holdinq bildirib ki, Tatneft Türkiyənin Aytemiz Akaryakit yanacaq şirkətindən 320 milyon dollara 100% satın alır. Digər pay isə Aytəmiz ailəsinə məxsusdur.

Bundan əlavə, Doğanla müqavilə tənzimləyici icazələr alındıqdan sonra bağlanacaq.

Məlumat üçün bildirk ki, Aytəmiz şəbəkəsi 2022-ci ilin sonuna qədər Türkiyə bazarında yeddinci yerdə olub.

Qeyd edək ki, Rusiyanın “Tatneft” şirkəti sanksiyalar altında deyil. 2022-ci ilin sonunda neft şirkəti neft hasilatını 4,6% artıraraq 29,1 milyon tona çatdırıb.

Neft şirkətinin gəliri 18% artaraq 1,4 trilyon rubla, xalis mənfəəti isə 43% artaraq 284,6 milyard rubla çatıb.

Əməliyyatın məbləği şirkətin borc yükünə təsir etməyəcək.

Enerji və Maliyyə İnstitutunun eksperti hesab edir ki, alış Tatneft üçün yeni imkanlar açır, çünki Türkiyə bazarı ildə 2 milyon tona qədər benzin və dizel yanacağı satışı ilə şirkət üçün ikinci ən vacib bazar ola bilər.

Leyla Mirzə