Küveyt Silahlı Qüvvələrinin Baş Qərargahı ölkənin hava hücumundan müdafiə sistemlərinin hava məkanında düşmən hava hədəflərini ələ keçirdiyini bildirib.

Bizimyol.info xəbər verir ki, Baş Qərargahın yaydığı açıqlamada qeyd olunur: “Hazırda silahlı qüvvələr Küveytin hava məkanında düşmən hava hədəflərini zərərsizləşdirir.”

Qurum bildirib ki, ölkə ərazisində eşidilən partlayış səsləri hava hücumundan müdafiə sistemlərinin fəaliyyəti nəticəsində yaranıb.

İyulun 12-də İranın raket və pilotsuz uçuş aparatlarının ələ keçirildiyi barədə Birləşmiş Ərəb Əmirlikləri və Bəhreyn hakimiyyət orqanları da məlumat yayıb. Bundan əlavə, Qətər ərazisi üzərində həyata keçirilən raket hücumunun qarşısının alındığı bildirilib.

Bizimyol.info