Bakalavriat səviyyəsində tədris planına yeni ixtisas əlavə olunub. “Daşınmaz əmlakın idarə olunması” ixtisası bu ildən tədris ediləcək

Mövzu ilə bağlı danışan millət vəkili Ceyhun Məmmədov deyir ki, “Daşınmaz əmlakın idarə olunması” ixtisasının bakalavriat səviyyəsində rəsmi şəkildə təsnifata daxil edilməsi təsadüfi qərar deyil. Onun sözlərinə görə, son illərdə ölkədə tikinti və şəhərsalma sahələrinin inkişafı və daşınmaz əmlak bazarının genişlənməsi bu istiqamətdə peşəkar mütəxəssislərə olan tələbatı artırır.

Deputatın sözlərinə görə, “Daşınmaz əmlakın idarə olunması” ixtisasının əsasən memarlıq, mühəndislik və iqtisadiyyat profilli ali təhsil müəssisələrində tədris olunacağı gözlənilir.

İxtisasın mahiyyəti düzgün izah olunduqca və onun beynəlxalq perspektivləri göstərildikcə, marağın sürətlə artacağı gözlənilir.(banker)