Çin Xalq Respublikasının Prezidenti Si Cinpinq ABŞ-la Çin arasında qarşıdurmanın qarşılıqlı ziyan yaradacağını bildirib və tərəflərin rəqib deyil, tərəfdaş olmalı olduğunu vurğulayıb.

Bizimyol.info xəbər verir ki, bu barədə "Fox News" telekanalı məlumat verib.

"Ölkələrimiz arasında qarşıdurma qarşılıqlı ziyan gətirəcək, buna görə biz rəqib deyil, tərəfdaş olmalıyıq" — deyə Si Czinpinq ABŞ Prezidenti Donald Trampla görüş zamanı qeyd edib.

Çin lideri əlavə edib ki, qarşılıqlı dəstək və ümumi tərəqqi Pekin və Vaşinqtona "iki böyük güc arasında yeni dövrdə qarşılıqlı əlaqəyə yeni yanaşma formalaşdırmağa" imkan verəcək. O həmçinin vurğulayıb ki, "hər iki ölkə və bütün dünya üçün vacib məsələlər üzrə fikir mübadiləsini səbirsizliklə gözləyir".

Trampın Çinə səfəri 15 may tarixinədək davam edir. Səfərin məqsədi ticarət və iqtisadi əməkdaşlıqla bağlı fikir ayrılıqlarını yumşaltmaq və aradan qaldırmaq, qlobal problemlər üzrə mövqeləri koordinasiya etməkdir. Gözlənilir ki, müzakirələrdə ABŞ-İran konflikti də gündəmə gələcək. Eyni zamanda, tərəflərin Tayvan məsələsini də müzakirə etməsi gözlənilir; Çin bu məsələni "Bir Çin" prinsipi çərçivəsində yalnız daxili siyasət mövzusu kimi qiymətləndirir.

Bizimyol.info