Vaşinqton vasitəçilər vasitəsilə Tehrana İranın ABŞ-ın 15 maddədən ibarət sülh planını rədd etməsindən sonra yeni danışıqlar planı hazırlamağı təklif edib.

Bizimyol.info xəbər verir ki, bunu İslam Respublikasının Rusiyadakı səfiri Kazem Calali “Vedomosti” qəzetinə müsahibəsində bildirib.

“Biz həmişə danışıqlara hazır olduğumuzu deyirdik. Amma güc və təhdid mövqeyindən danışıqlara yox. Təzyiq altında danışıqlara yox. Amerikalılar əvvəlcə 15 maddədən ibarət bir danışıqlar planı təqdim etdilər. Biz dərhal onların planını rədd etdik. Ona razılaşa bilməzdik. Sonra isə amerikalılar vasitəçilər vasitəsilə İrana yeni plan hazırlamasını təklif etdilər”, — deyə səfir bildirib.

Səfir əlavə edib ki, İranda 10 maddədən ibarət plan hazırlanıb. Vasitəçilərin sözlərinə görə, ABŞ bu planı qəbul edib və o, danışıqlar üçün əsas ola bilər.

ABŞ və İsrail 28 fevralda İrana qarşı genişmiqyaslı əməliyyat başlatmışdı. 7 aprel tarixində ABŞ prezidenti Donald Tramp İslam Respublikası ilə iki həftəlik qarşılıqlı atəşkəsi elan edib. 11 aprel tarixində iki ölkə İslamabadda bir neçə danışıqlar raundu keçirib. Sonradan Təhran və Vaşinqton məlumat verib ki, tərəflər uzunmüddətli konfliktin həlli məsələsində bir sıra fikir ayrılıqları səbəbindən razılığa gələ bilməyib. Yeni danışıqlar raundunun olub-olmayacağı hələ məlum deyil. ABŞ isə 13 aprel tarixindən etibarən İrana qarşı dəniz blokadasına başlayıb.

Bizimyol.info