Ukrayna qoşunları Rostov vilayətinə hücum edib, Rostov-na-Donu və Taqanroq üzərində partlayışlar baş verib.

Bizimyol.info xəbər verir ki, bu barədə "Life.ru" məlumat yayıb.

Məlumata görə, Rostov-na-Donu sakinləri şəhər üzərində ən azı iki partlayış eşidiblər.

Eyni zamanda, Taqanroq şəhərinin rəhbəri Svetlana Kambulova Telegram kanalında yazıb ki, şəhərin ətrafındakı ərazilərdə hava hücumundan müdafiə qüvvələri fəaliyyət göstərir. O, sakinlərə küçələrdə açıq yerlərdə olmamağı, binaya daxil olmağı və pəncərələrə yaxınlaşmamağı tövsiyə edib.

15 aprel tarixində Rusiya Müdafiə Nazirliyi bildirib ki, Ukrayna Silahlı Qüvvələrinin (USV) itkilərinin artması və canlı qüvvənin azalması fonunda bir sıra Avropa ölkələri Kiyevə Rusiyanın ərazilərinə zərbə endirmək üçün pilotsuz uçuş aparatlarının (PUA) istehsalını və təchizatını artırmağa qərar verib.

Nazirlik həmçinin Rusiyaya zərbə üçün dronların istehsal olunduğu 12 ölkənin adını açıqlayıb: Böyük Britaniya, Almaniya, Danimarka, Latviya, Litva, Hollandiya, Polşa, Çexiya, İspaniya, İtaliya, Türkiyə və İsrail.

Əvvəlcə Voronej vilayəti qubernatoru PUA hücumu zamanı xəsarət alanlar olduğunu bildirib.

Bizimyol.info