Hər kəs evini və ya maşınını sığortalayır, düzdür? Amma dünyada elə insanlar var ki, onlar üçün ən qiymətli mülk öz bədən üzvləridir. Bəziləri üçün bir ayaq, bəziləri üçün isə sadəcə bir təbəssüm milyonlarla dollar dəyərindədir. Bu gün sizə məşhurların ağlasığmaz məbləğlərə sığortalatdıqları bədən üzvlərindən danışacağıq.

Siyahının başında təbii ki, idmançılar gəlir:

• Lionel Messi: Onun sol ayağı əsl "pul maşınıdır". Messinin ayaqları tam 900 milyon dollar dəyərində sığortalanıb. Bu, tarixin ən bahalı bədən sığortasıdır.
• Kristiano Ronaldo: Əzəli rəqibindən geri qalmır. Onun ayaqlarının sığorta dəyəri isə 144 milyon dollardır.

Kinonun ulduzları, müğənnilər üçün isə vizual görüntü hər şeydir:

• Julia Roberts: "Gözəlçə" filmi ilə yadda qalan aktrisanın o məşhur təbəssümü tam 30 milyon dollara sığortalanıb. Yəni o, hər dəfə güləndə əslində bir sərvət nümayiş etdirir.
• Daniel Craig: "Agent 007" obrazını canlandıran aktyor kaskadyorlardan istifadə etməyi sevmir. Buna görə də o, bütün bədənini 9,5 milyon dollara sığortalatdırıb.
• Taylor Swift: Səhnədə rəqs etməyi sevən müğənni ayaqlarını 40 milyon dollara sığortalayıb
• Mariah Carey: Onun vəziyyəti daha maraqlıdır. Həm səsi, həm də ayaqları sığortalıdır və hər biri üçün ayrı-ayrılıqda 35 milyon dollar təzminat nəzərdə tutulub.

Siyahıda çox qəribə seçimlər də var. Məsələn; Keith Richards: Gitaristin əlləri 1,6 milyon dollardır.

Tom Cons: Müğənni bir vaxtlar sinə tüklərini tam 7 milyon dollara sığortalatmışdı. Bəli, səhv eşitmədiniz, sadəcə sinə tüklərini!

Gördüyünüz kimi, bu insanlar üçün bədən sadəcə bioloji bir varlıq deyil, həm də sığortalanmalı olan böyük bir investisiyadır.

Leyla Mirzə, Bizimyol.info