Böyük Britaniya hakimiyyəti Yaxın Şərqdən on minlərlə Britaniya vətəndaşı üçün təxliyə marşrutları hazırlayır.

Bizimyol.info xəbər verir ki, bu barədə "Sky News" məlumat verib.

Bundan əvvəl Britaniya Xarici İşlər Naziri İvet Kuper Yaxın Şərqdə təxminən 300.000 Britaniya vətəndaşının olduğunu açıqlamışdı. "Sky News" xəbər verir ki, 2 mart səhəri etibarilə onlardan 102.000-i - əsasən BƏƏ-də - xüsusi onlayn platformada qeydiyyatdan keçib. Bu platforma ABŞ və İsrailin İrana qarşı 28 fevralda başlayan hava hücumlarından sonra Xarici İşlər Nazirliyi tərəfindən yaradılıb.

Kuperin sözlərinə görə, Britaniya Xarici İşlər Nazirliyi vətəndaşları dəstəkləmək və təxliyə planlarını hazırlamaq üçün bölgəyə sürətli reaksiya qrupları göndərib.

Kanal qeyd edir ki, təkcə 1 mart tarixində Yaxın Şərqdə 3400 uçuş ləğv edilib. Fasilə Bəhreyn, Qətər, Küveyt, İsrail, İordaniya, BƏƏ və Səudiyyə Ərəbistanındakı hava limanlarına təsir edib.

Qadir, Bizimyol.info