Sosial şəbəkədə Şəfayət Mehdiyev küçəsindəki "Salyan kazarması" kimi tanınan əraziyə aid görüntü paylaşılıb. Bildirilib ki, həmin əraziyə maşınlarla müxtəlif tullantılar daşınır və antisanitar şəraitin yaranıb. Ərazi təmizlənib, ancaq yenidən zibillikdir.

• "Salyan kazarması" kimi tanınan ərazinin təmizlik işləri hansı vaxt periodunda aparılır?
• İcra hakimiyyəti ərazi ilə bağlı görülən işlərə hansısa formada nəzarət edirmi?
• Ərazinin istismarı və ya istifadəsi üzrə hansısa plan, proqram, layihə mövcuddurmu?

Yaranan suallara cavab tapmaq üçün Yasamal Rayon İcra Hakimiyyətinə sorğu ünvanladıq. Qurumdan Bizimyol.info xəbər portalının sorğusuna cavab olaraq bildirilib: "Qaldırılan məsələ ilə əlaqədar bildiririk ki, qeyd olunan ərazi hərbi təyinatlı mülkiyyətdir və orada mülki qurumların icazəsiz təmizlik işləri aparması qeyri-mümkündür. Bunun üçün mülkiyyət sahibi müvafiq tədbirlər görməlidir. Nəzərə almağınız xahiş olunur".

Günel Həsənova, Bizimyol.info