İndoneziyanın Doğu Cava vilayətində baş verən qızılca epidemiyası nəticəsində 17 nəfər həyatını itirib.

Bizimyol.info xəbər verir ki, "Jakarta Globe" qəzetinin məlumatına görə, ölkədə qızılca halları artmaqdadır.

Rəsmi şəxslər, Doğu Cava vilayətinin Sumenep bölgəsində görülən qızılca epidemiyasının səbəbindən, əksəriyyəti uşaqlardan ibarət olmaqla, 17 nəfərin həyatını itirdiyini açıqlayıblar.

İndoneziya Səhiyyə Naziri Budi Gunadi Sadikin, xəstəlik hallarının artmasının COVID-19 pandemiyası zamanı dayandırılan peyvənd proqramları ilə əlaqəli olduğunu bildirib və "Qızılca, peyvəndlə qarşısı alına bilən bir xəstəlikdir, buna görə peyvənd strategiyalarımızı daha təsirli etmək üçün yeniləyəcəyik", deyib.

Epidemiyanı nəzarət altına almaq məqsədilə Sumenep bölgəsində geniş miqyaslı peyvənd kampaniyasına başlanılıb. Səhiyyə Nazirliyi və yaxınlıqdakı universitetlərin dəstəyilə həyata keçirilən kampaniya çərçivəsində, 9,825 doz qızılca peyvəndi və vilayət rəhbərliyi tərəfindən təmin edilən A vitamini əlavələri paylanılıb.

Kampaniya 14 sentyabr tarixinədək davam edəcək və Sumenep bölgəsindəki uşaqların 95%-nin peyvənd edilməsi hədəflənir.

Qadir, Bizimyol.info