İki Harvard tələbəsi "Meta" şirkətinin "Ray-Ban" smart eynəklərindən istifadə edərək insanların şəxsiyyət məlumatlarını anında ortaya qoyan layihə həyata keçirib. Demo mövcud texnologiyaların üz tanıma texnologiyası və ictimaiyyətə açıq oaln bazaları da daxil olmaqla təhlükəli üsullarla necə istifadə oluna biləcəyini ortaya qoyur.

Bizimyol.info "webtekno"ya istinadən xəbər verir ki, AnhPhu Nguyen və Cayne Ardayfio "I-XRAY" adlı inkişaf etdirdikləri texnologiya ilə "Meta" eynəklərinin "Instagram"da canlı yayım xüsusiyyətindən istifadə edirlər.

Süni intellekt bu canlı yayımlarda üzləri müəyyən edir və ictimai verilənlər bazaları vasitəsilə adlar, ünvanlar və telefon nömrələri kimi şəxsi məlumatları tapır. Bu məlumatlar daha sonra telefon proqramı vasitəsilə istifadəçilərə ötürülür.

Üz tanıma texnologiyası ilə təhlükəsizlik təhlükəsi

Nguyen və Ardayfionun nümayişi tələbələrin eynək vasitəsilə ictimai nəqliyyatda sinif yoldaşlarını və yad adamları müəyyən etdiyini göstərir. Üzün tanınması texnologiyasının dəqiqliyi artıq məlum olsa da, "I-XRAY"ın bu texnologiyanı asanlıqla əldə edilə bilən cihazla birləşməsi texnologiyanın sui-istifadə potensialını ciddi şəkildə artırır. "PimEyes" kimi üz axtarış sistemlərinin geniş istifadəsi bu cür texnologiyaları daha geniş auditoriyaya təqdim edir.

Tələbələr layihələrindən zərərli məqsədlər üçün istifadə etməyi planlaşdırmadıqlarını və dərc etməyəcəklərini bildirirlər. Onlar vurğulayırlar ki, məqsəd mövcud texnologiyaların təhlükələrinə diqqət çəkməkdir. Onlar bu vasitə ilə xəbərdarlıq edirlər ki, fərdlər rəqəmsal aktivlərini daha az əlçatan etmək üçün tədbirlər görməlidirlər. Digər tərəfdən, unutmaq olmaz ki, rəqəmsal informasiyanı tamamilə silmək demək olar ki, mümkün deyil.

Qadir, Bizimyol.info

Are we ready for a world where our data is exposed at a glance? @CaineArdayfio and I offer an answer to protect yourself here:https://t.co/LhxModhDpk pic.twitter.com/Oo35TxBNtD

— AnhPhu Nguyen (@AnhPhuNguyen1) September 30, 2024